NCP ના ‘બોસ’ બન્યા સુનેત્રા પવાર, રાષ્ટ્રીય કારોબારીની બેઠકમાં બનાવવામાં આવ્યા પાર્ટી પ્રમુખ
દિવંગત અજિત પવારના પત્ની સુનેત્રા પવાર હવે NCP (રાષ્ટ્રવાદી કોંગ્રેસ પાર્ટી) ના નવા ‘બોસ’ છે. ગુરુવાર (26 ફેબ્રુઆરી) ના રોજ રાષ્ટ્રીય કાર્યકારિણીની બેઠકમાં તેમને અધ્યક્ષ તરીકે ચૂંટવામાં આવ્યા હતા. પાર્ટીના કાર્યકારી અધ્યક્ષ પ્રફુલ્લ પટેલે સુનેત્રા પવારના નામની જાહેરાત કરી હતી. એવી પણ ચર્ચા છે કે સુનેત્રા પવારના પુત્ર પાર્થ પવારને પણ મોટી જવાબદારી મળી શકે છે. પાર્ટીની બેઠકમાં પ્રફુલ્લ પટેલે અધ્યક્ષ પદ માટે સુનેત્રા પવારના નામનો પ્રસ્તાવ મૂક્યો હતો, જેને સૌએ સ્વીકારી લીધો હતો.
NCP ની આ બેઠકમાં સુનેત્રા પવાર, સુનીલ તટકરે, પ્રફુલ્લ પટેલ, પાર્થ પવાર અને છગન ભુજબળ સહિત અનેક નેતાઓ હાજર રહ્યા હતા. પ્રફુલ્લ પટેલે જણાવ્યું હતું કે, “28 જાન્યુઆરીએ અજિત દાદાનું અવસાન થયું, જે આપણા સૌના માટે મોટો આઘાત છે. અમારી સામે સવાલ એ હતો કે હવે અમે શું કરીશું. હવે અમારી પાર્ટી સુનેત્રા પવારના નેતૃત્વમાં કામ કરશે.”
પ્રફુલ્લ પટેલે વધુમાં કહ્યું કે, “છેલ્લા મહિને અમે જોયું કે કેટલાક લોકો જાતભાતની વાતો કરી રહ્યા હતા, જેમને અમારી પાર્ટી સાથે કોઈ લેવાદેવા નથી. પરંતુ અમે સુનેત્રા પવારને ડેપ્યુટી CM બનાવ્યા. અમે યોગ્ય સમયે યોગ્ય નિર્ણય લીધો છે. હવે અમે નવા અધ્યક્ષના નેતૃત્વમાં આગળ વધીશું. અમે બધા અહીં સાથે આવ્યા છીએ.”
ઉલ્લેખનીય છે કે સુનેત્રા પવાર તેમના પતિ અજિત પવારના અવસાન પછી સક્રિય રહ્યા છે. 28 જાન્યુઆરીએ તેમના પતિ અજિત પવારના અવસાન પછી, તેમણે 31 જાન્યુઆરીએ મહારાષ્ટ્રના ડેપ્યુટી સીએમ તરીકે શપથ લીધા હતા. ત્યારથી, તેઓ પાર્ટી અને રાજ્ય માટે પોતાની ફરજો બજાવી રહ્યા છે.
https://www.instagram.com/timenewsguj
https://www.youtube.com/@INTIMENEWSCHANNEL
આ પણ વાંચો:ચણીયા ચોલીમાં ગોર્જિયસ લાગી સાક્ષી મલિક,જુઓ સુંદર તસવીરો