Shivraj Chouhan expressed displeasure over broken seat on Air India flight: એર ઇન્ડિયા આ રીતે મુસાફરોની લાચારીનો ફાયદો ઉઠાવે છે?:શિવરાજ ચૌહાણે ફ્લાઇટની તૂટેલી સીટ પર નારાજગી વ્યક્ત કરીને કહ્યું
કેન્દ્રીય કૃષિમંત્રી શિવરાજ સિંહ ચૌહાણે એર ઈન્ડિયાના વિમાનની તૂટેલી સીટ પર નારાજગી વ્યક્ત કરી છે. ભોપાલથી દિલ્હી જતી ફ્લાઇટમાં ખરાબ સીટ ફાળવાયા બાદ શિવરાજે એર ઇન્ડિયાની સુવિધાઓ પર સવાલ ઉઠાવ્યા છે.
સોશિયલ મીડિયા પ્લેટફોર્મ X પર શિવરાજની પોસ્ટ અંગે યુવા કોંગ્રેસના ભૂતપૂર્વ રાષ્ટ્રીય અધ્યક્ષ શ્રીનિવાસ બીવીએ લખ્યું – તેમની સરકાર કુંભમાં જતા લાખો શ્રદ્ધાળુઓને ટ્રેનોમાં ઊભા રહેવા માટે જગ્યા આપી શકી નહીં, પરંતુ તેમને દુઃખનો અનુભવ થયો નહીં, પરંતુ મંત્રીને વિમાનમાં તૂટેલી સીટ મળવાનું દુઃખ થયું.
સપાએ કહ્યું- દરેક વ્યક્તિ ટ્વીટ કરી શકતી નથી
સમાજવાદી પાર્ટીના રાષ્ટ્રીય પ્રવક્તા યશ ભારતીયાએ X પર લખ્યું – હવાઈ મુસાફરી કરતા લોકોને ઘણી સમસ્યાઓનો સામનો કરવો પડી રહ્યો છે, પરંતુ દરેક જણ ટ્વીટ કરી શકતા નથી. જોકે બાદમાં તેમણે આ પોસ્ટ ડિલિટ કરી દીધી.
કેન્દ્રીય કૃષિમંત્રી શિવરાજ સિંહ ચૌહાણે X પર લખ્યું- આજે મારે ભોપાલથી દિલ્હી આવવાનું હતું, પૂસામાં ખેડૂત મેળાના ઉદ્ધાટન, કુરુક્ષેત્રમાં પ્રાકૃતિક ખેતી મિશનની બેઠક અને ચંદીગઢમાં ખેડૂત સંગઠનના પ્રતિનિધિઓ સાથે ચર્ચા કરવાની છે. તેમણે લખ્યું-મેં એર ઇન્ડિયાની ફ્લાઇટ નંબર AI436માં ટિકિટ કરાવી હતી, મને સીટ નંબર 8C એલોર્ટ થઈ હતો હું સીટ પર જઈને બેઠો, સીટ તૂટેલી અને અંદર દબાયેલી હતી. બેસવું ઘણું તકલીફદાયક હતું.
એરલાઇન સ્ટાફને પૂછ્યું- જો સીટ ખરાબ હતી તો તેને શા માટે ફાળવવામાં આવી?
શિવરાજે આગળ લખ્યું- જ્યારે મેં એરલાઇન સ્ટાફને પૂછ્યું કે જો સીટ ખરાબ હતી તો તેને કેમ ફાળવવામાં આવી? તેમણે કહ્યું કે મેનેજમેન્ટને અગાઉ જાણ કરવામાં આવી હતી કે આ સીટ સારી નથી અને તેની ટિકિટ વેચવી ન જોઈએ. આવી એક જ સીટ નથી, પણ બીજી ઘણી સીટ છે. કૃષિમંત્રીએ લખ્યું-મારા સહ-મુસાફરોએ મને મારી સીટ બદલીને સારી સીટ પર બેસવા વિનંતી કરી, પણ મારે મારા માટે બીજા મિત્રને શા માટે તકલીફ આપવી, મેં નક્કી કર્યું કે હું આ જ સીટ પર બેસીને મારી મુસાફરી પૂર્ણ કરીશ.
શિવરાજે લખ્યું – શું એર ઇન્ડિયા મેનેજમેન્ટ ભવિષ્યમાં કોઈ મુસાફરને આવી મુશ્કેલીનો સામનો ન કરવો પડે એ માટે પગલાં લેશે કે પછી મુસાફરોની તેમના ગંતવ્ય સ્થાને વહેલા પહોંચવાની મજબૂરીનો ફાયદો ઉઠાવવાનું ચાલુ રાખશે?