Rahul Gandhi: રાહુલ ગાંધીએ અમેરિકાની બ્રાઉન યુનિવર્સિટીમાં ઉઠાવ્યો મહારાષ્ટ્ર ચૂંટણીનો મુદ્દો, કહ્યું- ચૂંટણી સિસ્ટમમાં ગંભીર સમસ્યા…’
ભારતીય સંસદમાં વિરોધ પક્ષના નેતા રાહુલ ગાંધી અમેરિકાના બોસ્ટન પહોંચી ગયા છે. ત્યાં તેમણે બ્રાઉન યુનિવર્સિટીના વિદ્યાર્થીઓ સાથે વાતચીત કરી હતી. આ દરમિયાન રાહુલ ગાંધીએ મહારાષ્ટ્ર ચૂંટણીનો મુદ્દો ઉઠાવ્યો અને કહ્યું કે દેશની ચૂંટણી પ્રણાલીમાં મોટી સમસ્યા છે.
રાહુલ ગાંધીએ કહ્યું હતું કે, “સરળ શબ્દોમાં કહીએ તો મહારાષ્ટ્ર વિધાનસભા ચૂંટણીમાં યુવાનોની સંખ્યા કરતાં વધુ મતદાન થયું હતું. આ એક હકીકત છે. અમને સાંજે 5:30 વાગ્યા સુધી મતદાનના આંકડા મળ્યા હતા પરંતુ 5:30 થી 7:30 વાગ્યાની વચ્ચે જ્યારે મતદાન સમાપ્ત થવું જોઈતું હતું તે સમયે 65 લાખ લોકોએ મતદાન કર્યું.”
કોંગ્રેસ નેતા રાહુલ ગાંધીએ વધુમાં કહ્યું હતું કે, “હવે વિચારો, આ ભૌતિક રીતે શક્ય નથી કારણ કે એક વ્યક્તિને મતદાન કરવામાં લગભગ 3 મિનિટ લાગે છે. જો આપણે ગણતરી કરીએ તો તેનો અર્થ એ થાય કે લોકો રાત્રે 2 વાગ્યા સુધી લાઇનમાં ઉભા હતા અને આખી રાત મતદાન ચાલુ રહ્યું, જે સાચું નથી. આવું થયું નથી.”
રાહુલ ગાંધીએ આગળ કહ્યું હતું કે, “જેથી અમે તેમને સવાલ કર્યો હતો કે શું વીડિયોગ્રાફી થઈ રહી છે. તેમણે માત્ર વીડિયોગ્રાફીનો ઇનકાર જ કર્યો નહીં, પરંતુ કાયદો પણ બદલી નાખ્યો, તેથી હવે તમે વીડિયોગ્રાફી માટે કહી શકતા નથી.”રાહુલે વધુમાં કહ્યું હતું કે, “અમારા માટે એ વાત ખૂબ જ સ્પષ્ટ હતી કે ચૂંટણી પંચ સમાધાન કરી ચૂક્યું છે. એ ખૂબ સ્પષ્ટ છે કે સિસ્ટમમાં કંઈક ગરબડ છે. અમે આ વાત જાહેરમાં કહી છે, મેં ઘણી વાર કહી છે.અમેરિકા પહોંચ્યા પછી રાહુલ ગાંધી ત્યાંના ઉદ્યોગપતિઓ અને પ્રવાસી ભારતીયોને મળ્યા હતા. કોંગ્રેસના પૂર્વ પ્રમુખ શનિવારે અમેરિકા પહોંચ્યા હતા. સેમ પિત્રોડાએ રવિવારે કહ્યું કે રાહુલ ગાંધીએ ભારતના ઉદ્યોગસાહસિકો સાથે વાતચીત કરી હતી. તેમણે કહ્યું કે વાતચીતમાં વ્યવસાય, ટેકનોલોજી, બધાને સાથે લઈને ચાલવા અને ઇમાનદાર નેતૃત્વ જેવા મુદ્દાઓ પર ચર્ચા કરવામાં આવી હતી.
આ પણ વાંચો, Canada: કેનેડામાં ભારતીય મૂળની વિદ્યાર્થિનીની ગોળી મારીને હત્યા, કારમાં આવેલા વ્યક્તિએ કર્યો હુમલો