‘રાષ્ટ્રહિતોને આગળ વધારવા માટે તમામ શક્ય પગલાં ભરીશું’, US ટેરિફ પર લોકસભામાં સરકારનો જવાબ
સંસદના બન્ને સદનો રાજ્યસભા અને લોકસભામાં ઓપરેશન સિંદૂર પર ચર્ચા સમાપ્ત થઇ છે.હવે બન્ને સદનોમાં સામાન્ય કામકાજ ચાલી રહ્યું છે. વાણિજ્ય મંત્રી પીયૂષ ગોયલે અમેરિકા તરફથી લગાવાવમાં આવેલા 25 ટકા ટેરિફને લઇને નિવેદન આપ્યું હતું. લોકસભામાં પ્રશ્નકાળ દરમિયાન વિપક્ષે હંગામો કર્યો હતો. આ વચ્ચે લોકસભાની કાર્યવાહી કાલે 11 વાગ્યા સુધી સ્થગિત કરવામાં આવી હતી.
લોકસભામાં વાણિજ્ય મંત્રી પીયૂષ ગોયલે અમેરિકન રાષ્ટ્રપતિ ડોનાલ્ડ ટ્રમ્પ તરફથી લગાવવામાં આવેલા ટેરિફની જાહેરાત પર નિવેદન આપ્યું હતું. પીયૂષ ગોયલે કહ્યું કે આયાત પર 10થી 50 ટકા સુધી ટેરિફ લગાવવાની વાત કરી હતી.
અમેરિકાના રાષ્ટ્રપતિ ડોનાલ્ડ ટ્રમ્પ દ્વારા લગાવવામાં આવેલા ટેરિફ જાહેરાત પર વાણિજ્ય મંત્રી પીયૂષ ગોયલે લોકસભામાં નિવેદન આપ્યું હતું. પીયૂષ ગોયલે કહ્યું કે બંને પક્ષો વચ્ચે ચાર રાઉન્ડની દ્વિપક્ષીય બેઠકો યોજાઈ હતી. કરારને અંતિમ સ્વરૂપ આપવા માટે ઘણી મહત્ત્વપૂર્ણ બેઠકો યોજાઈ હતી. આયાત પર 10થી 15 ટકા ટેરિફ અંગે વાત થઈ હતી. દ્વિપક્ષીય વેપાર કરાર અંગે વાત થઈ હતી. કેટલીક વર્ચ્યુઅલ બેઠકો પણ યોજાઈ હતી. અમે અમારા સ્થાનિક ઉદ્યોગોનું રક્ષણ કરીશું. અમે દેશના હિતમાં જરૂરી દરેક પગલાં લઈશું. વિશ્વ વિકાસમાં ભારતનું યોગદાન 16 ટકા છે અને અમે વિશ્વની પાંચ સૌથી મોટી અર્થવ્યવસ્થાઓમાંના એક છીએ. તેમણે કહ્યું કે અમેરિકાના આ પગલાની અસરનું મૂલ્યાંકન કરવામાં આવી રહ્યું છે.
આ પણ વાંચો, અમદાવાદમાં નમસ્તે સર્કલથી જતા પહેલા આ બાબત અચૂક ધ્યાનમાં રાખજો