વિશ્વના સૌથી શક્તિશાળી પાસપોર્ટનું રેન્કિંગ જાહેર,ભારતને આંચકો

વર્ષ 2025 ના પ્રથમ છ મહિના માટે વિશ્વના સૌથી શક્તિશાળી પાસપોર્ટનું રેન્કિંગ બહાર પાડવામાં આવ્યું છે. આ રેન્કિંગ પ્રતિષ્ઠિત સંસ્થા હેનલી એન્ડ પાર્ટનર્સ દ્વારા પ્રકાશિત કરવામાં આવ્યું છે. તમને જણાવી દઈએ કે આ ઇન્ડેક્સ પાસપોર્ટનું રેન્કિંગ તેના આધારે તૈયાર કરે છે કે તે પાસપોર્ટ ધારક કેટલા દેશોની મુલાકાત કોઈપણ વિઝા વિના લઈ શકે છે.

હેનલી પાસપોર્ટ ઇન્ડેક્સ અનુસાર, સિંગાપોરનો પાસપોર્ટ વિશ્વનો સૌથી શક્તિશાળી પાસપોર્ટ છે. તે ધરાવતા લોકો વિશ્વના 195 દેશોમાં વિઝા મુક્ત મુસાફરી કરી શકે છે. તે જ સમયે, ચાલો જાણીએ કે આ સૂચકાંકમાં ભારત અને પાકિસ્તાનને શું રેન્કિંગ આપવામાં આવ્યું છે.

વિશ્વના સૌથી શક્તિશાળી પાસપોર્ટ ધરાવતા દેશોની યાદીમાં, ભારતના પાડોશી દેશ પાકિસ્તાનનું સ્થાન ખૂબ જ દયનીય છે. પાકિસ્તાનના પાસપોર્ટને ફરી એકવાર સૌથી નબળા પાસપોર્ટમાં સામેલ કરવામાં આવ્યો છે. ૩૩ દેશોમાં મફત વિઝા પ્રવેશ સાથે પાકિસ્તાન ૧૦૩મા સ્થાને છે. જ્યારે આફ્રિકન દેશો સોમાલિયા, પેલેસ્ટાઇન, નેપાળ અને બાંગ્લાદેશ પાકિસ્તાન કરતા ઉપરના ક્રમે છે. સોમાલિયાનો પાસપોર્ટ ૧૦૨મા ક્રમે છે.

ભારતનો પાસપોર્ટ રેન્કિંગ પાકિસ્તાનના પાસપોર્ટ રેન્કિંગ કરતા ઘણી સારી સ્થિતિમાં છે. વિશ્વભરના દેશોમાં સૌથી શક્તિશાળી પાસપોર્ટ રેન્કિંગમાં ભારત 85માં સ્થાને છે. ભારતીય પાસપોર્ટ દ્વારા વિશ્વના 57 દેશોમાં વિઝા ફ્રી ટ્રાવેલ કરી શકાય છે. જો કે ગયા વર્ષની સરખામણીમાં ભારત 5 રેન્ક નીચે આવી ગયું છે.