ગુજરાતમાં 27 ટકા OBC અનામત સાથે યોજાશે સ્થાનિક સ્વરાજની ચૂંટણીઓ, સુપ્રીમ કોર્ટે અરજી ફગાવી

ગુજરાતમાં આગામી સ્થાનિક સ્વરાજની ચૂંટણીઓ પર તોળાઈ રહેલા કાનૂની સંકટ વચ્ચે સુપ્રીમ કોર્ટે આજે (10મી એપ્રિલ) મોટો ચુકાદો આપ્યો છે. સુપ્રીમ કોર્ટે રાજ્ય સરકારની 27 ટકા ઓબીસી (OBC) અનામત નીતિ સામે ચૂંટણી પ્રક્રિયા પર રોક લગાવવાની માંગને ફગાવી દીધી છે. કોર્ટે સ્પષ્ટ કર્યું છે કે હાલના તબક્કે ચૂંટણી અટકશે નહીં.

પાટીદાર અગ્રણી દિનેશ બાંભણિયા દ્વારા કરવામાં આવેલી જાહેર હિતની અરજી (PIL) પર આજે સુપ્રીમ કોર્ટના ચીફ જસ્ટિસની બેન્ચ સમક્ષ સુનાવણી હાથ ધરવામાં આવી હતી. જેમાં 27 ટકા OBC અનામતની નીતિને પડકારીને સમગ્ર ચૂંટણી પ્રક્રિયા પર સ્ટે મૂકવાની માંગ કરવામાં આવી હતી. સુપ્રીમ કોર્ટે ચૂંટણી પર રોક લગાવવાનો ઇનકાર કર્યો છે અને અરજદારને આ મામલે ગુજરાત હાઈકોર્ટમાં અપીલ કરવા આદેશ આપ્યો છે.

સુપ્રીમ કોર્ટના નિર્દેશ બાદ હવે અનામતના આ જટિલ મુદ્દે ગુજરાત હાઈકોર્ટમાં સુનાવણી હાથ ધરવામાં આવશે. હાઈકોર્ટ જે પણ નિર્ણય લેશે, તે આ ચૂંટણી માટે માન્ય ગણાશે. રાજ્ય સરકાર 27 ટકા OBC અનામત આપવા માટે મક્કમ છે અને તેને કાયદાકીય રીતે યોગ્ય ઠેરવવા પ્રયાસ કરી રહી છે.

રાજ્યમાં પંચાયતો, નગરપાલિકાઓ અને મહા નગરપાલિકામાં અપાયેલી 27% અનામત સામે પિટિશનમાં મુખ્યત્ત્વે ત્રણ મુદ્દા ઉઠાવાયા

1. ટ્રિપલ ટેસ્ટનું પાલન: સુપ્રીમ કોર્ટના અગાઉના નિર્દેશ મુજબ અનામત નક્કી કરતા પહેલા ટ્રિપલ ટેસ્ટના માપદંડોનું ચુસ્તપણે પાલન થયું છે કે નહીં તેની ચકાસણી.
2. 50 ટકાની મર્યાદા: શું કુલ અનામત (SC/ST અને OBC મળીને) 50 ટકાની નિર્ધારિત મર્યાદા વટાવે છે?
3. ઝવેરી કમિશનનો અહેવાલ: જસ્ટિસ ઝવેરી કમિશનના રિપોર્ટના આધારે કરવામાં આવેલી બેઠકોની ફાળવણી કેટલી તર્કસંગત અને બંધારણીય છે તે અંગે પણ સવાલો ઊભા થયા છે.

અડાલજ ટોલ ટેક્સ નજીક જિલ્લા ટ્રાફિક પોલીસ, RTO અને ST વિજિલન્સ વિભાગ દ્વારા હાથ ધરાયેલા ક્લેન્ડસ્ટાઈન ઓપરેશનની સંપૂર્ણ વિગત જાણવા માટે અહીં ક્લિક કરીને આખી સ્ટોરી જરૂર જુઓ.

અડાલજ ટોલ ટેક્સ નજીક જિલ્લા ટ્રાફિક પોલીસ, RTO અને ST વિજિલન્સ વિભાગ દ્વારા હાથ ધરાયેલા ક્લેન્ડસ્ટાઈન ઓપરેશનની સંપૂર્ણ વિગત જાણવા માટે અહીં ક્લિક કરીને આખી સ્ટોરી જરૂર જુઓ.શેર બજારમાં શાનદાર તેજી, સેન્સેક્સ 919 પોઈન્ટ વધ્યો, નિફ્ટી 24,000ને પાર 

https://www.youtube.com/@INTIMENEWSCHANNEL

આ પણ વાંચો: શેર બજારમાં શાનદાર તેજી, સેન્સેક્સ 919 પોઈન્ટ વધ્યો, નિફ્ટી 24,000ને પાર