પાકિસ્તાનમાં જેડી વેન્સની ધમાકેદાર એન્ટ્રી, આખરે અમેરિકાએ તેમના પર જ કેમ લગાવ્યો શાંતિ માટેનો મોટો દાવ?

ઈરાન-અમેરિકા યુદ્ધ વચ્ચે એક મોટો રાજદ્વારી વળાંક સામે આવ્યો છે. જે નેતાએ આ યુદ્ધની શરૂઆતથી જ વિરોધ કર્યો હતો, હવે તેઓ જ તેને ખતમ કરવાની સૌથી મહત્વની જવાબદારી નિભાવવા જઈ રહ્યા છે. અમેરિકી ઉપરાષ્ટ્રપતિ જેડી વેન્સ ઈસ્લામાબાદ પહોંચી ચૂક્યા છે, જ્યાં ઈરાનના ટોચના નેતાઓ સાથેની તેમની વાતચીત પર આખી દુનિયાની નજર ટકેલી છે. આ મંત્રણા માત્ર યુદ્ધવિરામને કાયમી બનાવી શકે છે એટલું જ નહીં, પરંતુ વૈશ્વિક અર્થતંત્ર અને તેલ બજાર પર પડેલી અસરને પણ બદલી શકે છે.

ઈરાનની પસંદ બન્યા જેડી વેન્સ
Reuters ના અહેવાલો અનુસાર, જેડી વેન્સને આ મંત્રણાનું નેતૃત્વ કરવા માટે ખાસ પસંદ કરવામાં આવ્યા છે. એવું કહેવામાં આવી રહ્યું છે કે ઈરાનના નેતૃત્વના એક વર્ગે તેમને વાતચીત માટે સ્વીકાર્ય ચહેરો માન્યા છે. ઈરાનમાં વેન્સને અમેરિકી રાષ્ટ્રપતિના નજીકના લોકોમાં સૌથી વધુ ‘યુદ્ધ વિરોધી’ માનવામાં આવે છે. આ જ કારણ છે કે તેહરાનને લાગે છે કે તેઓ વાતચીત માટે સૌથી યોગ્ય પ્રતિનિધિ છે.

જેડી વેન્સ ટૂંક સમયમાં ઈરાનની સંસદના અધ્યક્ષ મોહમ્મદ બાકર ગાલિબાફ અને વિદેશ મંત્રી સૈયદ અબ્બાસ અરાગચી સાથે મુલાકાત કરશે. 1979 પછી વોશિંગ્ટન અને તેહરાન વચ્ચે આ સૌથી ઉચ્ચ સ્તરની રૂબરૂ વાતચીત હશે. આ દરમિયાન તેમની સાથે વિશેષ દૂત સ્ટીવ વિટકોફ અને રાષ્ટ્રપતિના જમાઈ જેરેડ કુશનર પણ હાજર રહેશે.

બંને દેશો વચ્ચે લાંબા સમયથી ચાલી રહેલા તણાવને જોતા એ સ્પષ્ટ નથી કે નેતાઓ આપસમાં હાથ મિલાવશે કે નહીં. જોકે અપેક્ષા છે કે વાતચીત દરમિયાન તણાવ વધુ વધારવાનું ટાળવામાં આવશે, કારણ કે આ યુદ્ધની અસર વૈશ્વિક અર્થતંત્ર પર ઘણી મોંઘી સાબિત થઈ છે.

અમેરિકી પ્રતિનિધિમંડળમાં સત્તા અને વાતચીતની ક્ષમતા વચ્ચે સંતુલન જોવા મળી રહ્યું છે. જેડી વેન્સ પાસે રાજકીય પ્રભાવ છે, જે આ પ્રકારની મંત્રણા માટે મહત્વપૂર્ણ માનવામાં આવે છે. ઈરાનમાં તેમની છબી એક સંભવિત ‘શાંતિ વાર્તાકાર’ તરીકે જોવામાં આવી રહી છે. જોકે સ્ટીવ વિટકોફ અને જેરેડ કુશનરને લઈને ઈરાનમાં વિશ્વાસની કમી છે. ઈરાની અધિકારીઓનું માનવું છે કે અગાઉની મંત્રણાઓ તૂટવા માટે આ બંને જવાબદાર હતા અને તેમણે કૂટનીતિને બદલે લશ્કરી રસ્તો પસંદ કર્યો હતો.જેડી વેન્સને યુદ્ધની વ્યૂહરચનાને બદલે તેને ખતમ કરવામાં વધુ રસ ધરાવતા નેતા માનવામાં આવે છે. ઈરાની વાર્તાકારોને લાગે છે કે વેન્સ એક સમજદાર અને સંતુલિત વાર્તાકાર છે, જે કોઈ નિષ્કર્ષ સુધી પહોંચવાનો પ્રયાસ કરશે. રિપોર્ટ અનુસાર, જેડી વેન્સ પોતાના જ વહીવટીતંત્રની નીતિઓના સૌથી સતત ટીકાકારોમાંના એક રહ્યા છે, ખાસ કરીને આ યુદ્ધને લઈને.

આ વાતચીત એવા સમયે થઈ રહી છે જ્યારે મધ્ય પૂર્વમાં બે અઠવાડિયાનો નાજુક યુદ્ધવિરામ અમલમાં છે. આ શાંતિની એક દુર્લભ તક માનવામાં આવી રહી છે. વિશ્લેષકોનું માનવું છે કે જો આ મંત્રણા સફળ થશે, તો જેડી વેન્સની લોકપ્રિયતામાં મોટો વધારો થઈ શકે છે. તેમને 2028ની રાષ્ટ્રપતિની ચૂંટણીના સંભવિત દાવેદાર તરીકે પણ જોવામાં આવી રહ્યા છે.

સુરતમાં વોર્ડ નંબર 14ની મહિલા ઉમેદવારે કલેક્ટર ઓફિસ ખાતે ફિનાઈલ પી લેતા હડકંપ મચી ગયો.
👉 આ ચોંકાવનારી ઘટનાનો સંપૂર્ણ વિડિયો અને વિગત જોવા અત્યારે જ ક્લિક કરો-https://www.instagram.com/reel/DW_D6cJDiRT/?utm_source=ig_web_copy_link&igsh=MzRlODBiNWFlZA==

https://www.youtube.com/@INTIMENEWSCHANNEL

આ પણ વાંચો:  ઢોસાના ખીરાથી બે બાળકીના શંકાસ્પદ મોત કેસમાં નવો વળાંક, કરાશે લાઈ ડિટેક્શન ટેસ્ટ