ઇઝરાયેલ-ઇરાન યુદ્ધ; દુબઈમાં બુર્જ ખલીફા પાસે હુમલો:એરપોર્ટ બંધ

ઇઝરાયેલ-ઇરાન યુદ્ધ વચ્ચે મધ્ય પૂર્વમાં પરિસ્થિતિ ઝડપથી બગડી છે, જેની અસર દુબઈથી લઈને ભારત સુધી જોવા મળી રહી છે. દુબઈની પ્રખ્યાત ઇમારત બુર્જ ખલીફા નજીક ડ્રોન હુમલો થયો.

સાવચેતીના ભાગરૂપે બુર્જ ખલીફાને ખાલી કરાવવામાં આવ્યું અને તેની લાઇટ્સ બંધ કરી દેવામાં આવી. હુમલા બાદ દુબઈ ઇન્ટરનેશનલ એરપોર્ટ અને અલ મકતૂમ એરપોર્ટ પર ફ્લાઇટ્સનું સંચાલન આગામી આદેશ સુધી રોકી દેવામાં આવ્યું.

ઘણા દેશોએ તેમનો એરસ્પેસ અસ્થાયી રૂપે બંધ કરી દીધો, જેના કારણે વિશ્વભરની ફ્લાઇટ્સ પ્રભાવિત થઈ. એર ઇન્ડિયાએ જાહેરાત કરી છે કે 1 માર્ચના રોજ લંડન, ટોરોન્ટો, ફ્રેન્કફર્ટ, પેરિસ અને શિકાગો માટેની તેની તમામ નિર્ધારિત ફ્લાઇટ્સ રદ કરવામાં આવી છે.

DGCA એ પણ એરલાઇન્સને 11 દેશોના એરસ્પેસથી બચવાની સલાહ આપી છે. મુસાફરોને એરપોર્ટ ન જવા અને તેમની એરલાઇન્સ પાસેથી તાજી માહિતી લેવાની સલાહ આપવામાં આવી છે.

દુબઈ ઇન્ટરનેશનલ એરપોર્ટ અને અલ મકતૂમ ઇન્ટરનેશનલ એરપોર્ટ પર ફ્લાઇટ ઓપરેશન આગામી સૂચના સુધી રોકી દેવામાં આવ્યા છે. મુસાફરોને સલાહ આપવામાં આવી છે કે તેઓ એરપોર્ટ ન જાય અને લેટેસ્ટ ફ્લાઇટ શેડ્યૂલ અપડેટ માટે સીધા તેમની એરલાઇન્સનો સંપર્ક કરે.

UAE, કતાર, બહેરીન અને કુવૈતે થોડા સમય માટે તેમની એરસ્પેસ બંધ કરી દીધી હતી, જેના કારણે એરલાઇન્સને સાવચેતીના ભાગરૂપે સેવાઓ રદ કરવી, રૂટ બદલવા અથવા સ્થગિત કરવી પડી હતી.

https://www.instagram.com/timenewsguj

https://www.youtube.com/@INTIMENEWSCHANNEL

આ પણ વાંચો:ઇઝરાયલ-અમેરિકાના હુમલામાં ખામેનેર્ઇનું મોત, 40 દિવસનો રાષ્ટ્રીય શોક જાહેર