USમાં ભારતીય મૂળનો પરિવાર ગુમ, છેલ્લે પેન્સિલવેનિયા બર્ગર કિંગમાં જોવા મળ્યો હતો
યુનાઇટેડ સ્ટેટ્સમાં રોડ ટ્રીપ દરમિયાન ચાર જણનો એક ભારતીય મૂળનો પરિવાર ગુમ થઈ ગયો છે, અને તેઓ છેલ્લે પેન્સિલવેનિયાના એરીમાં બર્ગર કિંગ આઉટલેટ પર જોવા મળ્યો હોવાની પુષ્ટિ થઈ છે. વડીલોના જૂથમાં આશા દીવાન, કિશોર દીવાન, શૈલેષ દીવાન અને ગીતા દીવાન – ન્યૂ યોર્ક લાઇસન્સ પ્લેટ EKW2611 વાળી આછા લીલા રંગની ટોયોટા કેમરીમાં બફેલોથી પિટ્સબર્ગ જઈ રહ્યા હતા.
માર્શલ કાઉન્ટી શેરિફ ઓફિસ અનુસાર, દીવાન પરિવાર છેલ્લે 29 જુલાઈ, મંગળવારના રોજ બપોરે 2:45 વાગ્યે જોવા મળ્યો હતો, જ્યારે પેન્સિલવેનિયા સ્ટેટ ટ્રુપરના લાઇસન્સ પ્લેટ રીડરે ઇન્ટરસ્ટેટ 79 પર દક્ષિણ તરફ જતી તેમની કાર જોઈ હતી. પરિવારે પિટ્સબર્ગથી માઉન્ડ્સવિલે, વેસ્ટ વર્જિનિયા જવાની યોજના બનાવી હતી, જ્યાં તેઓએ પ્રભુપાદના ગોલ્ડ પેલેસમાં રાત્રિ રોકાણ માટે પ્રી-પેમેન્ટ કર્યું હતું. જો કે, તેઓ ક્યારેય તેમના ગંતવ્ય સ્થાન પર પહોંચી શક્યા નહીં.
એરીના પીચ સ્ટ્રીટ પર બર્ગર કિંગમાંથી મેળવેલા CCTV ફૂટેજમાં પરિવારના બે સભ્યો રેસ્ટોરન્ટમાં પ્રવેશતા દેખાય છે તેમનો છેલ્લો ક્રેડિટ કાર્ડ વ્યવહાર પણ અહીં જ થયો હતો, જે તેમના ગુમ થયા પહેલાનો અંતિમ સ્ટોપ બતાવે છે.