Stock market: શેર બજારમાં લીલી હરિયાળી: સેન્સેક્સ 1000ને પાર, નિફ્ટીએ પણ લગાવી છલાંગ
શેર બજારમાં તેજીનો માહોલ છે. સપ્તાહના પહેલા દિવસે બીએસઇનો સેન્સેક્સ ખૂલતાની સાથે જ 500 પોઈન્ટના ઉછાળા સાથે બપોરના 12 વાગ્યાની આસપાસ 1000 પોઈન્ટ ઉપર ગયો હતો. આ વચ્ચે આ શેરોમાં પણ ખાસ તેજી નજર આવી હતી.અઠવાડિયાના પહેલા ટ્રેડિંગ દિવસે સોમવારે શેરબજારની શરૂઆત સારી રહી. ગયા અઠવાડિયે ભારે ઉછાળો નોંધાવ્યા બાદ આજે બોમ્બે સ્ટોક એક્સચેન્જના 30 શેરવાળા સેન્સેક્સમાં શરૂઆતના સમયે 500 થી વધુ પોઈન્ટનો ઉછાળો આવ્યો અને બપોરે 12 વાગ્યાની આસપાસ સેન્સેક્સ લગભગ 1000 પોઈન્ટનો ઉછાળો આવ્યો. આ સાથે નેશનલ સ્ટોક એક્સચેન્જનો નિફ્ટી પણ ખુલતાની સાથે જ 150 પોઈન્ટથી વધુ ઉછળ્યો અને તેમાં પણ 282 પોઈન્ટનો ઉછાળો આવ્યો. રિલાયન્સ, કોટક બેંક, NTPC, પાવરગ્રીડ, RVNL અને IREDA ના શેરમાં આની અસર જોવા મળી.
શેરબજાર ખુલતાની સાથે જ BSE સેન્સેક્સ તેના મજબૂત તેજી સાથે 77456.27 પર ખુલ્યો અને ટૂંક સમયમાં 77498.29 પર પહોંચી ગયો. સેન્સેક્સની આ ગતિ જેમ જેમ કારોબાર વધતો ગયો તેમ તેમ વધતી રહી. અને 12 વાગ્યાની આસપાસ તે 1000 પોઈન્ટના ઉછાળા સાથે 77907.42 ના સ્તરે ટ્રેડ થતો જોવા મળ્યો હતો. આ ઉપરાંત NSE નિફ્ટી ઇન્ડેક્સ 23,515.40 પર ખુલ્યો જે અને અચાનક નિફ્ટી પણ 282.70 પોઈન્ટ વધીને 23633.10 પર પહોંચી ગયો.
જો આપણે શેરબજારમાં સૌથી વધુ વધનારા ટોચના 10 શેરો પર નજર કરીએ તો લાર્જ-કેપ કેટેગરીમાં NTPC શેર (4.50%), કોટક બેંક શેર (4.44%) અને એક્સિસ બેંક શેર (2%), રિલાયન્સ શેર (2.10%) અને HDFC બેંક શેર (1.70%) વધુ ટ્રેડ થઈ રહ્યા હતા. તો મિડકેપ કેટેગરીમાં સમાવિષ્ટ કંપનીઓમાં, IGL શેર (3.46%), IREDA (3.29%)
આ પણ વાંચો, Visavadar: આમ આદમી પાર્ટીએ વિસાવદર બેઠક પર ઉમેદવાર જાહેર કર્યા, ગોપાલ ઇટાલિયા લડશે ચૂંટણી