દેશમાં આ વર્ષે નહીં આવે શિયાળાની ઋતુ? ‘ડેન્જર ઝોન’માં ભારત; આગામી 6 મહિના માટે એલર્ટ જાહેર, ‘ગોડઝિલા અલ નીનો’ સક્રિય

સંયુક્ત રાષ્ટ્ર અને વિશ્વ હવામાન સંગઠને ચેતવણી જાહેર કરી છે. ‘ગોડઝિલા અલ નીનો’ના કારણે ભારત આગામી 6 મહિના માટે ડેન્જર ઝોનમાં પહોંચી ગયું છે. પ્રશાંત મહાસાગરમાં તાપમાન ઝડપથી વધી રહ્યું છે. આ કારણે આ વર્ષે શિયાળાની અસર ખૂબ ઓછી રહી શકે છે. બની શકે કે આ વખતે કડકડતી ઠંડી અનુભવાય જ નહીં. ફેબ્રુઆરી 2027 સુધી ચાલનારા આ હવામાન ચક્રથી પાકને નુકસાન થશે.

આ વર્ષે દર મહિને હવામાનનું રોદ્ર સ્વરૂપ જોવા મળ્યું છે. ભયાનક હીટવેવથી મુસળધાર વરસાદ અને પછી ફ્લેશ ફ્લડ… આ બધું સામાન્ય લોકોએ માત્ર થોડા મહિનાઓમાં જ સહન કરવું પડ્યું છે. આ તો માત્ર શરૂઆત હતી કારણ કે હવે વર્ષના અંતના 6 મહિના વધુ ભયાનક બનવાના છે. પરિસ્થિતિ એવી છે કે હવે લાગી રહ્યું છે કે શિયાળાની ઋતુ આવશે જ નહીં કારણ કે ફેબ્રુઆરી સુધી અલ નીનોનો ‘ગોડઝિલા’ અવતાર ખુલમ્-ખુલ્લા સામે આવશે. જેના કારણે ભારત પણ હવે ડેન્જર ઝોનમાં પહોંચી ગયું છે.

દુનિયાભરમાં હવામાનનો મિજાજ જે ઝડપથી બદલાઈ રહ્યો છે, તેણે વૈજ્ઞાનિકોના ધબકારા વધારી દીધા છે. સંયુક્ત રાષ્ટ્ર અને વિશ્વ હવામાન સંગઠને એક અત્યંત ડરામણી ચેતવણી જાહેર કરતા કહ્યું છે કે આપણી ધરતી હવે ‘એક્સ્ટ્રીમ વેધર ડેન્જર ઝોન’માં કદમ મૂકી ચૂકી છે.

પ્રશાંત મહાસાગરમાં ઊઠી રહેલો ‘ગોડઝિલા અલ નીનો’ આ વર્ષના અંત સુધીમાં પોતાના સૌથી ભયાનક રૂપમાં આવી જશે, જેના કારણે હવામાનનું આખું ચક્ર જ બગડવાનું છે. સૌથી મોટી ચિંતા ભારતને લઈને વ્યક્ત કરવામાં આવી રહી છે, જ્યાં આગામી 6 મહિના માટે ભારે એલર્ટ જાહેર કરવામાં આવ્યું છે. એક્સપર્ટ્સનું માનવું છે કે આ ભયંકર અલ નીનોની અસરથી આ વખતે શિયાળાની ઋતુ કાં તો બેઅસર થઈ જશે અથવા તો કડકડતી ઠંડી જ નહીં પડે.

શિયાળાની ઋતુ શરૂ થવામાં હવે થોડો જ સમય બાકી છે, પરંતુ આ વખતનું ઠંડુ હવામાન એવું નહીં રહે જેવું આપણે વર્ષોથી જોતા આવ્યા છીએ. હવામાન વૈજ્ઞાનિકોનું માનીએ તો ‘ગોડઝિલા અલ નીનો’ એક્ટિવ થવાના કારણે ઉત્તર અને મધ્ય ભારતમાં કડકડતી ઠંડી પડવાની શક્યતા ખૂબ ઓછી દેખાઈ રહી છે.

સામાન્ય રીતે ડિસેમ્બર અને જાન્યુઆરીના મહિનાઓમાં જે હાડ ગાળતી ઠંડી અને શીત લહેર ચાલતી હતી, અલ નીનોની ભયંકર ગરમી તેને પૂરી રીતે દબાવી શકે છે. અલ નીનોના કારણે સમગ્ર ભારતીય ઉપખંડમાં રાત અને દિવસ બંનેનું તાપમાન સામાન્ય કરતાં ઘણું ઉપર રહેશે. આનો સીધો અર્થ એ છે કે આ વખતે હાડ થીજવતી ઠંડીનો અનુભવ ખૂબ ઓછો થશે.