ડોનાલ્ડ ટ્રમ્પની સ્પષ્ટતા, ઇરાન સામે જંગ હજુ 2થી3 સપ્તાહ રહેશે ચાલુ, તેજ હુમલાની આપી ચેતવણી

ખાડી ક્ષેત્રમાં ઈરાન સામે  અમેરિકા અને ઈઝરાયલ વચ્ચે યુદ્ધ ચાલુ છે. આ સંઘર્ષ શરૂ થયાને એક મહિનાથી વધુ સમય થઈ ગયો છે. દરમિયાન, ગુરુવારે રાષ્ટ્રને સંબોધનમાં, યુએસ રાષ્ટ્રપતિ ડોનાલ્ડ ટ્રમ્પે જાહેર કર્યું કે તેમનું મિશન પૂર્ણ થયું છે. ઈરાનની નૌકાદળનો નાશ થઈ ગયો છે, અને આપણી સેનાએ શાનદાર કામ કર્યું છે. તેમણે એમ પણ કહ્યું કે તેઓ તેમના સાથીઓને કોઈ નુકસાન થવા દેશે નહીં. તેમણે એમ પણ કહ્યું કે તેમને હવે અમારે હોર્મુઝની જરૂર નથી.

રાષ્ટ્રપતિ ટ્રમ્પે એમ પણ કહ્યું કે,  અમારા બધા લક્ષ્યો પૂર્ણ થઈ ગયા છે. હવે ઈરાનમાં શાસન પરિવર્તન આવ્યું છે. ઈરાની સૈન્ય અમારા નિયંત્રણમાં છે. આ યુદ્ધમાં તેના ઘણા ટોચના નેતાઓ માર્યા ગયા છે. અમે અમારું મિશન પૂર્ણ કર્યું છે. તેમણે ઉમેર્યું કે અમે હંમેશા પરમાણુ શસ્ત્રોની વિરુદ્ધ રહ્યા છીએ, અને ઈરાન તેમના  ઘરના આંગણે પરમાણુ શસ્ત્રો વિકસાવવા માંગતો હતું

અમે ઝડપી અને નિર્ણાયક વિજય મેળવ્યો: ટ્રમ્પ
ઈરાન સાથેના યુદ્ધ અંગે ટ્રમ્પે કહ્યું, “આજે સાંજે આપણે વાત કરી રહ્યા છીએ તેમ, યુનાઇટેડ સ્ટેટ્સ સૈન્ય દ્વારા ઓપરેશન એપિક ફ્યુરી શરૂ કર્યાને એક મહિનાથી વધુ સમય થયો છે. આ ઓપરેશનનું લક્ષ્ય ઈરાન હતું, જે વિશ્વનો આતંકવાદનો નંબર એક પ્રાયોજક દેશ છે. છેલ્લા ચાર અઠવાડિયામાં, આપણા દળોએ યુદ્ધના મેદાનમાં ઝડપી, નિર્ણાયક અને શાનદાર વિજય મેળવ્યો છે. આ એક એવો વિજય છે જે બહુ ઓછા લોકોએ જોયો છે.”

ટ્રમ્પે આગળ કહ્યું, “આજે રાત્રે, ઈરાનની નૌકાદળખતમ થઇ ગઈ છે, તેમનું વાયુસેના બરબાદ થઈ ગયું છે, અને તેમના મોટાભાગના નેતાઓ, અને તેમના નેતૃત્વ હેઠળનું આતંકવાદી શાસન, મૃત્યુ પામ્યા છે. જેમ આપણે બોલી રહ્યા છીએ, ઇસ્લામિક રિવોલ્યુશનરી ગાર્ડ કોર્પ્સ પર તેમનો કમાન્ડ અને નિયંત્રણ સંપૂર્ણપણે નાબૂદ કરવામાં આવી રહ્યું છે.”

2થી 3 સપ્તાહમાં યુદ્ધનો આવશે અંત 

ટ્રમ્પના નિવેદનથી એવું લાગે છે કે આ યુદ્ધ ફક્ત બે કે ત્રણ અઠવાડિયા સુધી ચાલશે. તે પછી, અમેરિકા પોતાની મેળે સંઘર્ષમાંથી બહાર નીકળી જશે. જોકે, એ યાદ રાખવું જોઈએ કે ટ્રમ્પ પોતાના નિવેદનો પાછા ખેંચી લેવામાં ઉતાવળ કરે છે. જોકે, ટ્રમ્પનું આ નિવેદન યુદ્ધ વિશે ઓછું અને છેતરપિંડી  વધુ છે. આનું કારણ એ છે કે પશ્ચિમ એશિયામાં અમેરિકાની સૌથી મોટી લશ્કરી તૈનાતી ચાલી રહી છે. આને પણ સમજવાની જરૂર છે.

હકીકતમાં, ટ્રમ્પે સ્પષ્ટપણે કહ્યું હતું કે ઈરાનમાં શાસન પરિવર્તન ક્યારેય અમેરિકાનું લક્ષ્ય નહોતું. આ ઈરાનમાં શાસન પરિવર્તનના મુદ્દા પર એક યુ-ટર્ન દર્શાવે છે, કારણ કે તેમણે અગાઉ શાસન પરિવર્તનની ઇચ્છા વ્યક્ત કરી હતી. હવે પ્રશ્ન એ છે કે શું આ યુદ્ધ ખરેખર બે થી ત્રણ અઠવાડિયામાં સમાપ્ત થશે? ટ્રમ્પના તાજેતરના નિવેદનનો અર્થ શું છે? કારણ કે આવું થવા માટે, અમેરિકાએ હોર્મુઝ સ્ટ્રેટ ખોલ્યા વિના આ યુદ્ધમાંથી બહાર નીકળવું પડશે, અને આ પાછળના મુખ્ય કારણો હોઈ શકે છે.

https://www.instagram.com/timenewsguj

https://www.youtube.com/@INTIMENEWSCHANNEL

આ પણ વાંચો: સાળંગપુરમાં હનુમાન જયંતિ ઉત્સવની ધામધૂમ, બલૂન ડ્રોપિંગથી ઉજવણીનો પ્રારંભ