Canada: ટોરન્ટોના પબમાં અંધાધૂંધ ફાયરિંગ, 11 લોકો ઇજાગ્રસ્ત
કેનેડાથી એક મોટા સમાચાર સામે આવ્યા છે. જેમાં ટોરન્ટોના સ્કારબરો માં શુક્રવારે મોડી રાત્રે સામૂહિક ગોળીબારની ઘટના પ્રકાશમાં આવી છે. આ ઘટનામાં ઓછામાં ઓછા 11 લોકો ઘાયલ થયા છે. આ ઘટના રાત્રે 10:30 વાગ્યાની આસપાસ પ્રોગ્રેસ એવન્યુ અને કોર્પોરેટ ડ્રાઇવ પાસે બની હતી. પોલીસ અધિકારીઓના જણાવ્યા અનુસાર, આ ઘટના દરમિયાન એક પબ પાસે ઘણા લોકોને ગોળીઓ વાગી હતી. જોકે ગોળીબારની ઘટના બાદ ઘાયલોની સ્થિતિ હજુ સ્પષ્ટ નથી. પોલીસ અને કટોકટી સેવાઓ તાત્કાલિક ઘટનાસ્થળે પહોંચી ગઈ હતી જેથી વિસ્તારને સુરક્ષિત કરી શકાય અને ઘાયલોને મદદ મળી શકે.
આ તરફ સ્થાનિક પોલીસે પુષ્ટિ આપી છે કે, ઘટનાના શંકાસ્પદો હજુ પણ ફરાર છે અને પોલીસ તેમને શોધી રહી છે. ગોળીબાર કરનારની ઓળખ, હુમલાના હેતુઓ અથવા હુમલામાં વપરાયેલા હથિયાર વિશે હજુ સુધી કોઈ માહિતી જાહેર કરવામાં આવી નથી. આ વિસ્તારના રહેવાસીઓને સતર્ક રહેવા અને કોઈપણ શંકાસ્પદ પ્રવૃત્તિની તાત્કાલિક કાયદા અમલીકરણ એજન્સીને જાણ કરવા વિનંતી કરવામાં આવી છે.
આ પણ વાંચો, રાહુલ ગાંધીએ રોકડું પરખાવ્યું, કોંગ્રેસમાં રહીને ભાજપનું કામ કરતા નેતાઓને ઘર ભેગા કરવા પડશે