સ્થાનિક સ્વરાજની ચૂંટણીને લઇને મોટા સમાચાર, ભાજપના ઉમેદવારોની પ્રથમ યાદી જાહેર

ભાજપે સ્થાનિક સ્વરાજની ચૂંટણી જાહેર થયા બાદ ઉમેદવારોની પ્રથમ યાદી જાહેર કરી છે. વલસાડ,બોટાદ,નર્મદા, અરવલ્લી સહિતના જિલ્લામાં જિલ્લામાં ઉમેદવારોની યાદી જાહેર કરવામાં આવી છે. 

ભાજપે વલસાડ જિલ્લામાં સમાવિષ્ટ નગરપાલિકાની સ્થાનિક સ્વરાજની ચૂંટણીના નામ જાહેર કર્યા છે. ભાજપના 7 વોર્ડના 28 નામ જાહેર કરવામાં આવ્યા છે. વલસાડ નગરપાલિકાના 11 વોર્ડના 44 દાવોદારોના નામ જાહેર કરવામાં આવ્યા છે. પારડી નગરપાલિકાના ઉમરગામ તાલુકા પંચાયતના બે બેઠકોના પેટા ચૂંટણીના નામ પણ જાહેર કરવામાં આવ્યા છે. કપરાડા તાલુકા પંચાયતની ખાલી પડેલી બેઠકના નામ પણ ભાજપે જાહેર કર્યા છે.

નર્મદા જિલ્લામાં તાલુકા પંચાયતની પેટા ચૂંટણીની બેઠક માટે સાગબારા અને દેડિયાપાડામાં ઉમેદવાર જાહેર કરવામાં આવ્યા છે. અરવલ્લીમાં પણ તાલુકા પંચાયતની પેટા ચૂંટણીની બેઠક માટે ઉમેદવારના નામ જાહેર કરવામાં આવ્યા છે. માલપુર અને બાયડ તાલુકા પંચાયતની પેટા ચૂંટણી માટે ઉમેદવારના નામ જાહેર કરવામાં આવ્યા છે.

ડાંગ જિલ્લામાં પણ જીલ્લા પંચાયતની પેટા ચૂંટણી માટે ઉમેદવારનુ નામ જાહેર કરવામાં આવ્યું છે.