IPL 2025 પહેલાં BCCIનો મોટો ફટકો: ‘ચીટિંગ’ કરનાર આ ખેલાડી પર 2 વર્ષનો પ્રતિબંધ મૂકાયો

ઇન્ડિયન પ્રીમિયર લીગ (IPL) 2025 શરૂ થવામાં હજુ સમય છે, પરંતુ તે પહેલાં ભારતીય ક્રિકેટ કંટ્રોલ બોર્ડ (BCCI) દ્વારા એક મોટો અને કડક નિર્ણય લેવામાં આવ્યો છે. BCCIએ ઇંગ્લેન્ડના ખેલાડી હેરી બ્રુક પર આગામી બે વર્ષ માટે IPLમાં રમવા પર પ્રતિબંધ મૂકી દીધો છે. આ પ્રતિબંધ એવા ખેલાડીઓ માટે એક ચેતવણી સમાન છે જેઓ IPL હરાજીમાં પસંદ થયા બાદ છેલ્લી ઘડીએ ટૂર્નામેન્ટમાંથી ખસી જાય છે.

હેરી બ્રુકે IPL 2025ની હરાજીમાં પોતાનું નામ નોંધાવ્યું હતું અને દિલ્હી કેપિટલ્સની ટીમે તેને 6.25 કરોડ રૂપિયામાં ખરીદ્યો પણ હતો. જો કે, સીઝન શરૂ થવાના થોડા સમય પહેલાં જ હેરી બ્રુકે અંગત કારણોસર IPL 2025માંથી પોતાનું નામ પાછું ખેંચી લીધું. આ પહેલીવાર નથી કે હેરી બ્રુકે IPLમાંથી છેલ્લી ઘડીએ ખસી ગયો હોય. ગયા વર્ષે IPL 2024 પહેલાં પણ તેણે આવું જ કર્યું હતું, ત્યારે તેણે દાદીના અવસાનનું કારણ આપ્યું હતું. સતત બીજી વખત આવું થતાં BCCIએ આ વખતે કડક પગલાં લીધા છે.