દેશભરમાં કરોડો મોબાઈલ પર એકસાથે એલર્ટ મેસેજ આવ્યો:સાયરનનો અવાજ સંભળાયો, ડિઝાસ્ટર વિભાગે ટેસ્ટિંગ કર્યું

દેશભરમાં શનિવારે સવારે 11:45 વાગ્યે ઘણા મોબાઈલ ફોન પર એકસાથે સાયરનનો અવાજ સંભળાવા લાગ્યો. સ્ક્રીન પર હિન્દી-અંગ્રેજીમાં એક મેસેજ હતો. સાયરન બંધ થયું ત્યારે મોબાઈલ પર મેસેજ વાંચીને પણ સંભળાવવામાં આવ્યો. આનાથી ઘણા લોકો પરેશાન થયા, તો ઘણા મૂંઝાયા. જોકે સરકારે કહ્યું કે ગભરાવાની જરૂર નથી.

આ મેસેજ રાષ્ટ્રીય આપત્તિ વ્યવસ્થાપન પ્રાધિકરણ, એટલે કે NDMA (નેશનલ ડિઝાસ્ટર મેનેજમેન્ટ) દ્વારા મોકલવામાં આવ્યો હતો, જે ઇમરજન્સી મોબાઈલ એલર્ટ ટ્રાયલનો એક ભાગ છે. NDMA એ ઇમરજન્સીમાં લોકો સુધી માહિતી પહોંચાડવા માટે 2 મેના રોજ આ સેલ બ્રોડકાસ્ટ એલર્ટ સિસ્ટમનું પરીક્ષણ કર્યું.

NDMA એ મોબાઇલ SMS ને સેલ બ્રોડકાસ્ટ (CB) ટેકનોલોજી સાથે જોડ્યું છે. આનાથી પસંદ કરાયેલા વિસ્તારમાં સક્રિય તમામ મોબાઇલ ફોન પર એકસાથે એલર્ટ મળશે. આનાથી ઇમરજન્સીના સમયે રીયલ ટાઇમ માહિતી પહોંચી શકશે.

દેશભરમાં ઇમરજન્સી મેસેજની એકસાથે ટેસ્ટિંગ

શનિવારે દેશના તમામ રાજ્યોની રાજધાનીઓ અને દિલ્હી-NCR માં તમામ મોબાઇલ ફોન પર એકસાથે ટેસ્ટિંગ મેસેજ મોકલવામાં આવ્યો. આ મેસેજ હિન્દી અને અંગ્રેજીની સાથે તમામ પ્રાદેશિક ભાષાઓમાં પણ મોકલવામાં આવ્યો. આ મેસેજમાં લોકોને જણાવવામાં આવ્યું કે આ ફક્ત પરીક્ષણ છે અને આના પર કોઈ કાર્યવાહી કરવાની જરૂર નથી.

સરકારે બે દિવસ પહેલા જ મેસેજ મોકલીને લોકોને અપીલ કરી હતી કે ટેસ્ટિંગવાળો મેસેજ મળવા પર ગભરાશો નહીં. શનિવારનો મેસેજ ફક્ત ઇમરજન્સીની સ્થિતિમાં ચેતવણી આપતી સિસ્ટમની તપાસ માટે મોકલવામાં આવ્યો હતો.

દેશમાં જ વિકસાવવામાં આવ્યું છે SACHET સિસ્ટમ

ઇમરજન્સીની સ્થિતિમાં લોકોને રીઅલ ટાઇમ એલર્ટ આપવા માટે સરકારી સંસ્થા સેન્ટર ફોર ડેવલપમેન્ટ ઓફ ટેલિમેટિક્સ (C-DOT) એ ઇન્ટિગ્રેટેડ એલર્ટ સિસ્ટમ ‘SACHET’ વિકસાવી છે. સચેત નામની આ સિસ્ટમ કોમન એલર્ટિંગ પ્રોટોકોલ (CAP) પર આધારિત છે. તેને દેશના તમામ 36 રાજ્યો અને કેન્દ્રશાસિત પ્રદેશોમાં એક્ટિવ કરી દેવામાં આવી છે.

સેલ બ્રોડકાસ્ટ ટેકનોલોજી રીઅલ-ટાઇમ એલર્ટ આપશે

NDMA એ મોબાઇલ SMS ને સેલ બ્રોડકાસ્ટ (CB) ટેકનોલોજી સાથે સંકલિત કર્યું છે. આનાથી પસંદ કરેલા વિસ્તારમાં સક્રિય બધા મોબાઇલ ફોન પર એક સાથે ચેતવણીઓ મળી શકશે, જે કટોકટી દરમિયાન રિયલ ટાઈમ એલર્ટ આપશે.

સરકારે જણાવ્યું હતું કે અત્યાર સુધીમાં 134 અબજથી વધુ મોબાઈલમાં એલર્ટ મોકલવામાં આવ્યું છે.

અહેવાલો અનુસાર, આ સિસ્ટમનો ઉપયોગ હવામાન પરિવર્તન અને ચક્રવાત જેવી વિવિધ કુદરતી આફતો માટે ચેતવણીઓ પૂરી પાડવા માટે કરવામાં આવ્યો છે. આજની તારીખમાં 19 થી વધુ ભારતીય ભાષાઓમાં 134 અબજથી વધુ SMS એલર્ટ મોકલવામાં આવી છે. આ સિસ્ટમનો ઉપયોગ કોઈપણ કટોકટીની પરિસ્થિતિમાં લોકોને તાત્કાલિક ચેતવણીઓ આપવા માટે થઈ શકે છે.

https://www.instagram.com/timenewsguj

https://www.youtube.com/@INTIMENEWSCHANNEL

આ પણ વાંચો: http://સુપ્રીમ કોર્ટથી TMCને મોટો ઝટકો, ગણતરી માટે કેન્દ્રીય કર્મચારીઓની નિમણૂક નિયમો વિરુદ્ધ નથી