બારામતીમાં અજિત પવારના પત્ની સુનેત્રા આગળ:મહારાષ્ટ્ર, ગુજરાત અને કર્ણાટક સહિત 5 વિધાનસભા બેઠકો પર ભાજપ આગળ

દેશના પાંચ રાજ્યોની 7 વિધાનસભા બેઠકોની પેટાચૂંટણીની મતગણતરી ચાલી રહી છે. મહારાષ્ટ્રની બારામતી બેઠક પર સુનેત્રા પવાર આગળ છે. સુનેત્રા મહારાષ્ટ્રના નાયબ મુખ્યમંત્રી અજિત પવારના પત્ની છે. 28 જાન્યુઆરી 2026ના રોજ બારામતીમાં એક વિમાન દુર્ઘટનામાં અજિત પવારનું નિધન થયું હતું.

કર્ણાટકના દાવણગેરે સાઉથ, મહારાષ્ટ્રના રાહુરી, ત્રિપુરાના ધર્મનગર, ગુજરાતના ઉમરેઠ અને નાગાલેન્ડના કોરીદાંગમાં ભાજપના ઉમેદવારો આગળ છે. કોંગ્રેસ સાત બેઠકોમાંથી માત્ર એક, કર્ણાટકની બાગલકોટમાં આગળ છે.

કર્ણાટકમાં બાગલકોટ અને દાવણગેરે દક્ષિણ, મહારાષ્ટ્રમાં બારામતી અને રાહુરી, નાગાલેન્ડમાં કોરીદાંગ, ત્રિપુરામાં ધર્મનગર અને ગુજરાતના ઉમરેઠ બેઠક પર મતગણતરી ચાલી રહી છે.

કર્ણાટકની બે બેઠકો, નાગાલેન્ડ અને ત્રિપુરાની 1-1 બેઠક પર 9 એપ્રિલે મતદાન થયું હતું. ગુજરાતની લીમખેડા અને મહારાષ્ટ્રની બારામતી અને રાહુરી બેઠક પર 23 એપ્રિલે મતદાન થયું હતું.

7 માંથી 4 બેઠકો પર ગઈ ચૂંટણીમાં ભાજપે જીત મેળવી હતી. મહારાષ્ટ્રની એક બેઠક NCP પાસે હતી. કર્ણાટકની બંને બેઠકો પર કોંગ્રેસે જીત મેળવી હતી.

આ 7 બેઠકો ત્યાંના પૂર્વ ધારાસભ્યોના નિધનને કારણે ખાલી પડી હતી. આમાં સૌથી ચર્ચિત બેઠક બારામતી છે, જ્યાંથી મહારાષ્ટ્રના નાયબ મુખ્યમંત્રી અજિત પવાર ધારાસભ્ય હતા.

https://www.instagram.com/timenewsguj

https://www.youtube.com/@INTIMENEWSCHANNEL

આ પણ વાંચો: http://Election Result 2026 : ભવાનીપુરમાં ફરી આગળ થયા મમતા બેનર્જી, કેરળમાં બહુમતના આંકડાની નજીક કોંગ્રેસ