Weather update: ગુજરાતના આ 8 જિલ્લામાં પડશે ભીષણ ગરમી, હીટવેવને લઈ હવામાન વિભાગની મોટી આગાહી
એપ્રિલ મહિનાની શરૂઆતમાં ગુજરાતમાં કમોસમી વરસાદથી લોકોને ગરમીથી થોડી રાહત મળી હતી, પરંતુ હવે જેમ જેમ એપ્રિલ મહિનો પસાર થઈ રહ્યો છે, તેમ તેમ ગરમી પોતાનો અસલી રંગ બતાવી રહી છે. ગઈકાલથી રાજ્યના ઘણા શહેરોમાં તાપમાન 40 ડિગ્રીને પાર કરી રહ્યું છે. ભારતીય હવામાન વિભાગની આગાહી મુજબ, આગામી 4 દિવસ દરમિયાન રાજ્યમાં તાપમાનમાં 2-3 ડિગ્રીનો વધારો થવાની સંભાવના છે. તે જ સમયે, ગુજરાતના સૌરાષ્ટ્ર-કચ્છના કેટલાક ભાગોમાં તાપમાન 40-43 ડિગ્રીની વચ્ચે રહેવાની શક્યતા છે.
હવામાન વિભાગના જણાવ્યા અનુસાર, આગામી 24 કલાક દરમિયાન ગુજરાતમાં તાપમાનમાં કોઈ મોટો ફેરફાર થશે નહીં. પરંતુ આગામી 4 દિવસ દરમિયાન તાપમાનમાં 2-3 ડિગ્રીનો વધારો થવાની ધારણા છે. ત્યારબાદ રાજ્યના હવામાનમાં કોઈ મોટો ફેરફાર થવાની શક્યતા નથી. સૌરાષ્ટ્ર-કચ્છના કેટલાક ભાગોમાં તાપમાન 40-43 ડિગ્રી સેલ્સિયસ વચ્ચે રહેવાની શક્યતા છે. આ ઉપરાંત, 6 એપ્રિલથી 9 એપ્રિલ દરમિયાન ગુજરાત પ્રદેશમાં છૂટાછવાયા સ્થળોએ હીટવેવ રહેવાની શક્યતા છે. 5 અને 9 એપ્રિલના રોજ સૌરાષ્ટ્ર-કચ્છમાં છૂટાછવાયા સ્થળોએ લૂ લાગવાની શક્યતા છે. આ ઉપરાંત, 6 એપ્રિલથી 8 એપ્રિલ દરમિયાન સૌરાષ્ટ્ર-કચ્છમાં છૂટાછવાયા સ્થળોએ વધુ ગરમી રહેવાની સંભાવના છે. આ ઉપરાંત, આગામી 7 દિવસ રાજ્યમાં શુષ્ક હવામાન રહેવાની સંભાવના છે.
હવામાન વિભાગના જણાવ્યા અનુસાર, આજે ગુજરાતના ભુજમાં 43, નલિયા 40, અમરેલી 41, ભાવનગર 39, દ્વારકા 30, ઓખા 32, પોરબંદર 37, રાજકોટ 43, વેરાવળ 32, સુરેન્દ્રનગર 43, મહુવા 33, કેશોદ 11, અમદાવાદ 41,ડીલા 40, વલ્લભ વિદ્યાનગર 40, બરોડા 39, સુરત 34 અને દમણ 35 ડિગ્રી તાપમાન રહેવાની સંભાવના છે.
આ પણ વાંચો, Ahmedabad: અસલાલી સર્કલ પાસે CNG રિક્ષામાંથી 57 હજારનો વિદેશી દારૂ ઝડપાયો, બે આરોપીની અટકાયત