76th Republic Day Parade : રાષ્ટ્રપતિ દ્રૌપદી મુર્મુએ કર્તવ્ય માર્ગ પર ત્રિરંગો ફરકાવ્યો, 21 તોપોની સલામી આપવામાં આવી

આજે ભારત તેનો 76મો પ્રજાસત્તાક દિવસ ઉજવી રહ્યું છે. રાષ્ટ્રપતિ દ્રૌપદી મુર્મુ કર્તવ્ય પથ પર આયોજિત રાજ્ય કાર્યક્રમમાં હાજરી આપી. ઇન્ડોનેશિયાના રાષ્ટ્રપતિ પ્રબોવો સુબિયાન્ટો આ વર્ષે પ્રજાસત્તાક દિવસની ઉજવણીમાં મુખ્ય અતિથિ તરીકે હાજરી આપશે. ભારતની વૈવિધ્યસભર સંસ્કૃતિ અને લશ્કરી શક્તિને આજે દેશભરમાં યાદ કરવામાં આવશે.

રાષ્ટ્રપતિ દ્રૌપદી મુર્મુએ કર્તવ્ય માર્ગ પર ત્રિરંગો ફરકાવ્યો. રાષ્ટ્રધ્વજને 21 તોપોની સલામી આપવામાં આવી હતી.

ભારતીય વાયુસેનાના વિમાનોનું અદભુત પ્રદર્શન જોવા મળશે
સમારોહનું મુખ્ય આકર્ષણ ‘ફ્લાય-પાસ્ટ’ હશે, જેમાં ભારતીય વાયુસેનાના વિમાનોનું અદભુત પ્રદર્શન જોવા મળશે. ભારતની વાયુ શક્તિનું પ્રદર્શન દર્શકોને રોમાંચિત કરશે. દેશના સમૃદ્ધ સાંસ્કૃતિક વારસા અને અદ્યતન લશ્કરી તકનીકી ક્ષમતાઓનું એક અનોખું મિશ્રણ રજૂ કરવામાં આવશે જે રાષ્ટ્રની શક્તિ અને અખંડિતતાનું પ્રતીક છે.