વડોદરાના કોટના બીચ પર ન્હાવા પડેલા યુવકોમાંથી 2 યુવકોનું ડૂબતા મોત

વડોદરાથી એક મોટા અને દુ:ખદ સમાચાર સામે આવ્યા છે. વાસ્તવમાં મહીસાગર નદી કિનારે આવેલ કોટના બીચ પર ન્હાવા ગયેલા યુવાનોમાં બેના ડૂબી જવાથી મોત નિપજ્યાં છે. આ બનાવથી સમગ્ર વિસ્તારમાં શોકનો માહોલ છવાઈ ગયો છે. આ તરફ પોલીસ અને ફાયરની ટીમ દ્વારા સ્થળ પર પહોંચી અને વધુ તપાસ શરૂ કરી છે.

વડોદરાથી કુલ 9 યુવાનોનો જૂથ કોટના બીચ પર ન્હાવા માટે ગયો હતો. નદીમાં ઉતર્યા બાદ કેટલાક યુવાનોને તરતા ન આવડતાં તેઓ પાણીના ઊંડાણમાં ફસાઈ ગયા. પરિસ્થિતિ ગંભીર બનતા આસપાસ હાજર સ્થાનિક લોકોએ તરત જ બચાવ કામગીરી શરૂ કરી. સ્થાનિકોના પ્રયાસોથી ચાર યુવકોને સુરક્ષિત બહાર કાઢવામાં સફળતા મળી હતી, પરંતુ દુર્ભાગ્યવશ બે યુવકોને બચાવી શકાયા નહોતા અને તેઓ ડૂબી જતાં મોતને ભેટ્યા હતા.

આ તરફ ઘટનાની જાણ થતા ફાયર બ્રિગેડ તેમજ પોલીસની ટીમ તાત્કાલિક સ્થળ પર પહોંચી અને આગળની કાર્યવાહી હાથ ધરી. પ્રાથમિક તારણ મુજબ, યુવાનોને તરવાની યોગ્ય કળા ન હોવાને કારણે આ દુર્ઘટના બની હોવાનું માનવામાં આવી રહ્યું છે. આ ઘટના ફરી એકવાર સૂચવે છે કે નદી કે પાણીના સ્થળોએ જતાં સમયે સાવચેતી રાખવી કેટલી જરૂરી છે.

વડોદરા નજીક આવેલા કોટના બીચ પર આજે 5મે એક કરુણ દુર્ઘટના – https://www.instagram.com/reel/DX8vfHDOZdt/?utm_source=ig_web_copy_link&igsh=MzRlODBiNWFlZA==

https://www.youtube.com/@INTIMENEWSCHANNEL

આ પણ વાંચો: http://કોંગ્રેસના કોર્પોરેટર સામે ફરિયાદ દાખલ, મામલો પહોંચ્યો DEO, આપ્યા તપાસના આદેશ