7 કરોડ રૂપિયા આપો, નહીં તો મારી નાખીશું:અરવિંદ કેજરીવાલ પાસે લોરેન્સ ગેંગે ખંડણી માંગી ધમકી આપી

આમ આદમી પાર્ટી (AAP)ના ધારાસભ્ય જરનેલ સિંહે પોલીસને જણાવ્યું કે લોરેન્સ ગેંગે અરવિંદ કેજરીવાલ પાસેથી 7 કરોડ રૂપિયાની ખંડણી માંગી છે.

પોતાને લોરેન્સ ગેંગનો સભ્ય ગણાવતી એક અજાણી વ્યક્તિએ તેમના ફોન પર અને વોટ્સએપ મેસેજ દ્વારા આ ધમકી આપી છે. તેમની ફરિયાદ પર મોહાલીના સાયબર ક્રાઇમ પોલીસ સ્ટેશનમાં કેસ નોંધવામાં આવ્યો છે.

પોતાને લોરેન્સ ગેંગનો સભ્ય ગણાવતા એક અજાણ્યા વ્યક્તિએ દિલ્હીના તિલક નગરથી AAPના ધારાસભ્ય જરનૈલ સિંહને ફોન અને વોટ્સએપ મેસેજ દ્વારા આ ધમકી આપી છે.

ફરિયાદી ધારાસભ્ય જરનૈલ સિંહ દ્વારા પોલીસને આપવામાં આવેલી લેખિત ફરિયાદ મુજબ, 6 નવેમ્બર 2026ના રોજ સાંજે લગભગ 6 વાગ્યે તેમના પર્સનલ મોબાઇલ નંબર પર એક અજાણ્યા નંબર (+91 74190 30753) પરથી કૉલ અને વૉટ્સઍપ મેસેજ આવ્યો હતો. વૉટ્સઍપ પ્રોફાઇલ પર “~ $H” નામ દર્શાવવામાં આવી રહ્યું હતું.

ફરિયાદ મુજબ, આરોપીએ કૉલ અને ટેક્સ્ટ મેસેજમાં ધમકી આપતાં લખ્યું હતું, “લૉરેન્સ ગૅંગમાંથી બોલું છું, અરવિંદ કેજરીવાલને કહી દે 7 કરોડ આપી દે, નહીં તો અરવિંદ કેજરીવાલ અને તેના દીકરી હર્ષિતા કેજરીવાલને જાનથી મારી નાખીશ.”

જરનૈલ સિંહે મોહાલીના SSPને આપેલી ફરિયાદમાં જણાવ્યું કે અરવિંદ કેજરીવાલ એક પ્રમુખ રાષ્ટ્રીય નેતા અને દિલ્હીના ભૂતપૂર્વ મુખ્યમંત્રી રહી ચૂક્યા છે. આવી સ્થિતિમાં તેમના અને તેમના પરિવાર પર આ પ્રકારનો હુમલો અથવા ધમકી રાષ્ટ્રીય અને જાહેર સુરક્ષા માટે ગંભીર ખતરો છે.

તેમણે આરોપીના મોબાઇલ નંબરના કૉલ ડિટેલ રેકોર્ડ (CDR), IP લૉગ અને લોકેશન ટ્રેસ કરીને તેને શક્ય તેટલી વહેલી તકે ધરપકડ કરવાની તેમજ કેજરીવાલ અને તેમના પરિવારની સુરક્ષા સુનિશ્ચિત કરવાની માંગ કરી છે.