Pakistan attacked: પાકિસ્તાને જમ્મુથી લઈ રાજસ્થાન સુધી સુસાઈડ ડ્રોનથી હુમલો કર્યો, જમ્મુથી રાજસ્થાન સુધીની સરહદ પર બ્લેકઆઉટ
પાકિસ્તાને રાત્રે 8 વાગ્યે જમ્મુ પર આત્મઘાતી ડ્રોનથી હુમલો કર્યો. ભારતીય એર ડિફેન્સ સિસ્ટમે બધા ડ્રોનને તોડી પાડ્યા છે. દરમિયાન, જમ્મુમાં રાત્રે 8 વાગ્યાથી અંધારપટ છવાઈ ગયો છે.
પાકિસ્તાન તરફથી ભારે ગોળીબાર થઈ રહ્યો છે. ઘણા ડ્રોન જોવા મળ્યા છે. આરએસપુરા સેક્ટરમાં પાકિસ્તાન તરફથી ભારે ગોળીબાર કરવામાં આવી રહ્યો છે. સ્થાનિક લોકોએ જણાવ્યું કે ઘણી જગ્યાએ વિસ્ફોટોના અવાજો સંભળાયા હતા.
રાજસ્થાનના સરહદી જિલ્લાઓમાં પણ બ્લેકઆઉટ લાદવામાં આવ્યો છે. સરહદી રાજ્યો પંજાબ, જમ્મુ અને કાશ્મીર અને રાજસ્થાન હાઈ એલર્ટ પર છે. અગાઉ, પંજાબના ગુરદાસપુર, રાજસ્થાનના બાડમેર, જેસલમેર અને જોધપુરમાં દરરોજ રાત્રે 9 વાગ્યાથી સવારે 5 વાગ્યા સુધી બ્લેકઆઉટ લાદવાનો આદેશ આપવામાં આવ્યો હતો.
આ શહેરો માટે સ્થાનિક વહીવટીતંત્ર દ્વારા માર્ગદર્શિકા જારી કરવામાં આવી છે. બિકાનેરના શ્રી ગંગાનગરમાં, વહીવટીતંત્ર આગામી આદેશ સુધી ડ્રોન ઉડાવવા અને આતશબાજી પર પ્રતિબંધ રહેશે.
આ પણ વાંચો, War and weather બંન્ને દ્રષ્ટિએ આગામી ત્રણ દિવસ સૌરાષ્ટ્ર-કચ્છ માટે સૌથી ભારે