આ બાજુ સોના-ચાંદીમાં ક્રેશ… બીજી બાજુ શેર બજારમાં પણ કોહરામ, સેન્સેક્સ-નિફ્ટી ધડામ
ગુરુવારે શેર બજાર ખૂલતાની સાથે જ ધડામ થઈ ગયું, તો સોના-ચાંદીના ભાવમાં પણ ભારે ઘટાડો જોવા મળ્યો. સપ્તાહના ચોથા ટ્રેડિંગ દિવસે સેન્સેક્સ અને નિફ્ટીમાં ખૂલતાની સાથે જ ઘટાડો જોવા મળ્યો. બંને ઇન્ડેક્સ ટ્રેડિંગની શરૂઆતની સાથે જ ધડામ થઈ ગયા. બોમ્બે સ્ટૉક એક્સ્ચેન્જનો 30 શેરવાળો સેન્સેક્સ ઓપન થતાંની કેટલીક મિનિટોમાં જ 500 પોઇન્ટ્સથી વધારે ઘટી ગયો, તો નેશનલ સ્ટૉક એક્સચેન્જનો નિફ્ટી ઇન્ડેક્સ પણ ખૂલતાની સાથે જ 150 પોઇન્ટ્સ ઘટી ગયો. દરમિયાન IndiGo, Zomato, BEL સહિતના કેટલાય મોટી કંપનીના સ્ટૉક ઘટી ગયા.
ગુરુવારે શેરબજારની શરૂઆત ભારે ઘટાડા સાથે થઈ. BSE સેન્સેક્સ તેના અગાઉના બંધ 83,817.69ની સરખામણીમાં 83,757.54 પર ખુલ્યો, અને પછી તે ઝડપથી ઘટી ગયો. થોડી જ મિનિટોમાં 30 શેરવાળો ઇન્ડેક્સ 500 પોઇન્ટ ઘટીને 83,313 પર પહોંચી ગયો. સેન્સેક્સની જેમ જ NSE નિફ્ટીની હાલત પણ ખરાબ રહી. 50 શેરનો ઇન્ડેક્સ તેના પાછલા બંધ 25,776ની સરખામણીમાં સામાન્ય ઘટાડા સાથે 25,755.90 પર ખુલ્યો અને પછી સેન્સેક્સની જેમ જ ઝટકામાં 164 પોઇન્ટ ઘટીને 25,612.90 પર આવી ગયો.
ભારતીય શેરબજારમાં ઘટાડાના સંકેતો વિદેશોથી પણ મળી રહ્યા હતા. ગિફ્ટ નિફ્ટી 100 પોઇન્ટથી વધુ નીચે ટ્રેડ કરી રહ્યો હતો. તો જાપાનનો નિક્કી 500 પોઇન્ટ, હોંગકોંગનો હેંગસેંગ 350 પોઇન્ટ્સ અને સાઉથ કોરિયાના KOSPI ઇન્ડેક્સમાં 180 પોઇન્ટનો ઘટાડો જોવા મળી રહ્યો હતો. નેગેટિવ ગ્લોબલ સેન્ટિમેન્ટની અસર સેન્સેક્સ-નિફ્ટી પર પણ પડી.શેર બજારમાં અચાનક આવેલા ઘટાડા વચ્ચે ખૂલતાની સાથે જ તમામ મોટી કંપનીઓના શેર ધડામ થઈ ગયા. BSEની લાર્જકેપ કેટેગરીની IndiGo Shareમાં 2.30%, BEL Shareમાં 2% અને Eternal Share 2% ઘટાડા સાથે ટ્રેડ કરી રહ્યા હતા. તો મિડકેપ કંપનીઓમાં સામેલ TIndia Shareમાં 8%, Dixon Shareમાં 5%, UPL Shareમાં 3% અને Suzlon Share 2.10% સુધી ઘટાડા સાથે ટ્રેડ કરી રહ્યા હતા. સ્મોલકેપમાં Radington Share 5%, TIMKEN Share 4.50% અને MCX Share 4.40% સુધી ઘટી ગયા. આ સિવાય અન્ય મોટા શેરનો વાત કરીએ તો Reliance Share, Bajaj Finance Share, Adani Ports Share, Tata Steel Share, HDFC Bank Share સાહિતના ઘણા શેર રેડ ઝોનમાં ટ્રેડ થઈ રહ્યા હતા.
શેર બજાર જ નહીં, પણ આજે મલ્ટી-કોમોડિટી માર્કેટમાં પણ ગુરુવારે ભારે ઘટાડો જોવા મળ્યો. MCX પર સોનું-ચાંદી ખૂલતાની સાથે જ ક્રેશ થઈ ગયા. એક તરફ 5 માર્ચની એક્સપાયરીવાળું ચાંદી પાછલા બંધની સરખામણીમાં 24,000 રૂપિયાનો ઘટાડો થયો, તો 2 એપ્રિલની એક્સપાયરીવાળું સોનું પણ 2400 રૂપિયાથી વધુ સસ્તું થઈ ગયું.