Pahalgam attack: હવે પાણીના એક એક ટીપા માટે પાકિસ્તાનને તરસવું પડશે, પહેલગામ હુમલા બાદ ભારતના 5 મોટા નિર્ણયો
જમ્મુ કાશ્મીરમાં પહેલગામ હુમલા બાદ ભારતે કડક પગલાં લીધાં છે. પ્રધાનમંત્રી નરેન્દ્ર મોદીની અધ્યક્ષતામાં મળેલી સુરક્ષા પરની કેબિનેટ સમિતિ (CCS) ની બેઠકમાં પાંચ મોટા નિર્ણયો લેવામાં આવ્યા છે. પીએમ નિવાસસ્થાને મોદીની અધ્યક્ષતામાં સીસીએસ(CCS)ની બેઠક અઢી કલાક ચાલી હતી. તેમાં સંરક્ષણ પ્રધાન રાજનાથ સિંહ, ગૃહ પ્રધાન અમિત શાહ, વિદેશ પ્રધાન એસ જયશંકર, એનએસ અજિત ડોભાલ સહિત ઘણા અધિકારીઓ હાજર રહ્યા હતા.
સિંધુ જળ સંધિ બંધ કરી દેવામાં આવી
અટારી બોર્ડર પરથી અવરજવર બંધ કરી દેવામાં આવી
પાકિસ્તાનીઓના વિઝા તાત્કાલિક અસરથી રદ કરવામાં આવ્યા.
પાકિસ્તાનીઓને 48 કલાકની અંદર દેશ છોડવા આદેશ
પાકિસ્તાનમાં ભારતીય દૂતાવાસ બંધ કરવામાં આવશે અને ભારતમાં પાકિસ્તાની દૂતાવાસ પણ બંધ કરવામાં આવશે.
પાકિસ્તાની રાજદ્વારીઓએ 7 દિવસની અંદર દેશ છોડવો પડશે
આગામી નિર્ણય સુધી કોઈપણ પાકિસ્તાની નાગરિકને ભારતીય વિઝા નહીં મળે
જમ્મુ-કાશ્મીરના પહેલગામમાં થયેલા આતંકવાદી હુમલાનો પાકિસ્તાનને જવાબ આપવામાં આવી રહ્યો છે. બુધવારે (23 એપ્રિલ, 2025) ના રોજ વડા પ્રધાનના નિવાસસ્થાને યોજાયેલી CCS બેઠકમાં અનેક નિર્ણયો લેવામાં આવ્યા હતા, જેમાં ભારતમાં પાકિસ્તાની હાઇ કમિશનરને બંધ કરવા, સિંધુ જળ સંધિ ખતમ કરવા અને પાકિસ્તાનીઓને વિઝા આપવાનું બંધ કરવા જેવા નિર્ણયોનો સમાવેશ થાય છે.
વિદેશ સચિવે જણાવ્યું હતું કે બેઠક દરમિયાન સીસીએસે હુમલાની સખત નિંદા કરી હતી અને સરહદ પારના સંબંધોના મુદ્દા પર ચર્ચા કરવામાં આવી હતી. તેમણે કહ્યું, “મીટિંગમાં ઘણા નિર્ણયો લેવામાં આવ્યા, જેમાં ભારતે જળ સંધિને સ્થગિત કરી દીધી છે. અટારી બોર્ડરને તાત્કાલિક અસરથી બંધ કરી દેવામાં આવ્યું છે. પાકિસ્તાની નાગરિકોને ભારતની મુસાફરી કરવાની મંજૂરી આપવામાં આવશે નહીં અને તેમને વિઝા પણ મળશે નહીં.”
વિદેશ સચિવ વિક્રમ મિશ્રીએ જણાવ્યું હતું કે, “CCS એ એકંદર સુરક્ષા પરિસ્થિતિની સમીક્ષા કરી હતી અને તમામ દળોને ઉચ્ચ સતર્કતા જાળવવા નિર્દેશ આપ્યો હતો. તેમાં નિર્ણય લેવામાં આવ્યો હતો કે આ હુમલાના ગુનેગારોને ન્યાયના કઠેડામાં લાવવામાં આવશે અને તેમના પ્રાયોજકોને જવાબદાર ઠેરવવામાં આવશે. તહવ્વુર રાણાના તાજેતરના પ્રત્યાર્પણની જેમ, ભારત આતંકવાદી કૃત્યો કરનારાઓ અથવા તેમને શક્ય બનાવવા માટે કાવતરું ઘડનારાઓનો પીછો કરવા માટે સતત પ્રયાસો કરશે.