નીતિશ કુમારે NDAને આપ્યો મોટો ઝટકો! આ રાજ્યમાં સરકાર પાસેથી ટેકો ખેંચ્યો પાછો
બિહારના મુખ્યમંત્રી નીતિશ કુમારના નેતૃત્વ હેઠળના જનતા દળ (યુનાઇટેડ) એ બુધવારે (22 જાન્યુઆરી, 2025) મણિપુર સરકારમાંથી પોતાનો ટેકો પાછો ખેંચી લીધો. મણિપુરમાં સીએમ એન બિરેન સિંહના નેતૃત્વમાં ભાજપની સરકાર છે. એક અહેવાલ મુજબ, JDU એ ઔપચારિક રીતે મણિપુર સરકારમાંથી પોતાનો ટેકો પાછો ખેંચવાની જાહેરાત કરી છે.
જેડીયુનું 2022 થી ભાજપ સાથે ગઠબંધન હતું, પરંતુ હવે તે શાસક સરકારથી દૂર થઈ ગયું છે. 2022 માં JDUના છ માંથી પાંચ ધારાસભ્યોએ ભાજપને સમર્થન આપ્યું હતું, જેનાથી ભાજપની સ્થિતિ વધુ મજબૂત થઈ.
જેડીયુના આ પગલા છતાં, મણિપુરમાં બિરેન સિંહના નેતૃત્વ હેઠળની ભાજપ સરકારની સ્થિરતા પર કોઈ અસર થશે નહીં. રાજ્ય વિધાનસભામાં ભાજપ પાસે મજબૂત બહુમતી છે અને તે કોઈપણ વિક્ષેપ વિના સત્તામાં રહી શકે છે.