રાજ્ય સરકારના નવા પ્રભારી મંત્રીઓ જાહેર, જાણો કોને કોને કઈ જવાબદારી મળી

 ગુજરાતમાં તાજેતરમાં થયેલા મંત્રીમંડળના વિસ્તરણ અને ફેરફાર બાદ તમામ મંત્રીઓને રાજ્યના વિવિધ જિલ્લાઓના પ્રભારી તરીકેની જવાબદારી સોંપી દીધી છે. આ નિયુક્તિઓ દ્વારા સરકાર જિલ્લા સ્તરે વહીવટ અને યોજનાઓના અમલ પર વધુ અસરકારક દેખરેખ રાખી શકશે. જેમાં 9 મંત્રીઓને બે જિલ્લાની, 10 મંત્રીઓને એક જિલ્લાની અને 6 મંત્રીઓને સહપ્રભારી તરીકેની જવાબદારી સોંપવામાં આવી છે.

નિયુક્ત કરાયેલા પ્રભારી અને સહ-પ્રભારી મંત્રીઓએ નીચે મુજબની મુખ્ય જવાબદારીઓ નિભાવવાની રહેશે. જેમાં મંત્રીઓએ સમયાંતરે તેમના ફાળવેલ જિલ્લાની મુલાકાત લેવાની રહેશે. મુલાકાત દરમિયાન, મંત્રીઓએ જે તે જિલ્લાના વહીવટી પ્રશ્નો અને સ્થાનિક પડકારોથી સંપૂર્ણપણે વાકેફ થવું પડશે. પ્રશ્નોની ગંભીરતા અને સ્થિતિ સમજ્યા બાદ, તેના નિકાલ સંબંધે મંત્રીઓ દ્વારા જિલ્લા અધિકારીઓને યોગ્ય માર્ગદર્શન પૂરું પાડવામાં આવશે.

રાજ્ય સરકારનો આ નિર્ણય પ્રાદેશિક સંતુલન જાળવવા અને જિલ્લા સ્તરે રાજકીય તેમજ વહીવટી પકડ મજબૂત કરવાના હેતુથી લેવામાં આવ્યો છે. પ્રભારી મંત્રીઓ તેમના નિયુક્ત જિલ્લાઓમાં કલ્યાણકારી યોજનાઓનો અમલ, કાયદો અને વ્યવસ્થાની સ્થિતિ તેમજ સ્થાનિક સમસ્યાઓના નિરાકરણ પર વિશેષ ધ્યાન આપશે. સરકારના આ પગલાથી વહીવટી પ્રક્રિયા વધુ ઝડપી બનશે અને વિકાસના કામોમાં ઝડપ આવશે તેવી અપેક્ષા છે.

મંત્રી	જિલ્લાનું નામ
હર્ષ સંઘવી	વડોદરા, ગાંધીનગર
કનુ દેસાઈ	સુરત, નવસારી
જીતુ વાઘાણી	અમરેલી, રાજકોટ
ઋષિકેશ પટેલ	અમદાવાદ, વાવ-થરાદ
નરેશ પટેલ	વલસાડ, તાપી
અર્જુન મોઢવાડિયા	જામનગર, દાહોદ
પ્રદ્યુમન વાજા	સાબરકાંઠા, જૂનાગઢ
રમણ સોલંકી	ખેડા, અરવલ્લી
ઈશ્વર પટેલ	નર્મદા
પ્રફુલ પાનેસેરિયા	ભરૂચ
કાંતિ અમૃતિયા	કચ્છ
પરષોત્તમ સોલંકી	ગીર સોમનાથ
દર્શનાબેન વાઘેલા	સુરેન્દ્રનગર
રમેશ કટારા	પંચમહાલ
કૌશિક વેકરિયા	ભાવનગર, જૂનાગઢ ( સહ પ્રભારી )
મનીષા વકીલ	છોટાઉદેપુર
પ્રવીણ માળી	મહેસાણા, નર્મદા ( સહ પ્રભારી )
જયરામ ગામિત	ડાંગ
ત્રિકમ છાંગા	મોરબી, રાજકોટ ( સહ પ્રભારી )
કમલેશ પટેલ	બનાસકાંઠા, વડોદરા ( સહ પ્રભારી )
જયરામ ગામિત	ડાંગ
સ્વરૂપજી ઠાકોર	પાટણ
સંજયસિંહ મહિડા	આણંદ, ભરૂચ ( સહ પ્રભારી )
પૂનમચંદ બરંડા	મહીસાગર, દાહોદ ( સહ પ્રભારી )
રીવાબા જાડેજા	બોટાદ