દિલ્હીમાં યોજાયેલ MMIFF કનેક્ટ 2026 એ ભારતીય ફિલ્મ ઉદ્યોગ માટે એક મહત્વપૂર્ણ મંચ તરીકે પોતાની છાપ છોડી છે. ગુજરાત સહિત દેશના વિવિધ રાજ્યોના પ્રતિનિધિઓ અને ઉદ્યોગના અગ્રણીઓની હાજરીમાં યોજાયેલી આ બેઠકએ ગુજરાતી ફિલ્મોના વિકાસ અને વૈશ્વિક પહોંચ માટે નવી શક્યતાઓના દ્વાર ખોલ્યા છે.
દિલ્હીમાં યોજાયેલ MMIFF કનેક્ટ 2026 કાર્યક્રમ ખૂબ જ સફળ રહ્યો હતો, જેમાં ગુજરાત, દિલ્હી અને બિહારના પ્રતિનિધિઓએ સક્રિય ભાગ લીધો હતો. આ બેઠક દરમિયાન ગુજરાતના પ્રમુખ શ્રી આનંદ દોશી અને તેમની ટીમના સભ્યો શ્રી સલીલ પટેલ, શ્રી તન્મય શેઠ, શ્રી ઉમી અમીન અને શ્રી શ્યામ પટેલે ઉદ્યોગના અગ્રણીઓ સાથે મહત્વપૂર્ણ ચર્ચાઓ કરી હતી.
આ ચર્ચામાં MMIFFના ચેરમેન શ્રી જિતેન્દ્ર જી., સેન્સર બોર્ડ ઓફ ઈન્ડિયાની સભ્ય શ્રીમતી રોચિકા અગ્રવાલ, MMIFFના રાષ્ટ્રીય સચિવ શ્રી જીતેન પરીખ તથા અન્ય મહાનુભાવો હાજર રહ્યા હતા. બેઠકમાં ખાસ કરીને ભારતમાં ગુજરાતી ફિલ્મોના મહત્વ અને તેના ભાવિ વિકાસને લઈ વ્યાપક અને ગહન વિચારવિમર્શ થયો હતો.
ચર્ચાના મુખ્ય મુદ્દાઓમાં ભારત અને અન્ય દેશો વચ્ચે સાંસ્કૃતિક સંબંધોને મજબૂત બનાવવાના માર્ગો પર ખાસ ધ્યાન આપવામાં આવ્યું હતું. સાથે જ, દેશ અને વિદેશમાં ફિલ્મ પ્રોડક્શન હાઉસ માટે પ્રોત્સાહક યોજનાઓ અને માર્ગદર્શિકાઓ અંગે પણ મહત્વપૂર્ણ ચર્ચા કરવામાં આવી હતી, જે ફિલ્મ ઉદ્યોગના વિકાસ માટે માર્ગદર્શક સાબિત થઈ શકે છે.
MMIFF એક વૈશ્વિક સ્તરે કાર્યરત સંસ્થા છે, જે ભારત ઉપરાંત કેનેડા, યુએસએ, યુકે અને ન્યુઝીલેન્ડ જેવા દેશોમાં પોતાની ઓફિસો ધરાવે છે. સંસ્થાનો મુખ્ય ઉદ્દેશ્ય ફિલ્મ નિર્માણ કંપનીઓને સર્વિસિસ પૂરી પાડવાનો અને મનોરંજન ઉદ્યોગને વૈશ્વિક બજારો સાથે જોડવાનો છે.
MMIFF કનેક્ટ 2026 માત્ર એક બેઠક નહીં પરંતુ ભારતીય અને ખાસ કરીને ગુજરાતી ફિલ્મ ઉદ્યોગ માટે વૈશ્વિક સ્તરે નવી ઓળખ અને અવસર ઉભા કરવાની દિશામાં મહત્વપૂર્ણ મંચ સાબિત થઈ છે.
https://www.instagram.com/timenewsguj
https://www.youtube.com/@INTIMENEWSCHANNEL
આ પણ વાંચો: http://Tamil Nadu results 2026: તમિલનાડુમાં મોટો ઉલટફેર, અભિનેતા વિજયની પાર્ટી સૌથી આગળ