મહારાષ્ટ્ર: ભંડારા જિલ્લામાં ઓર્ડિનેન્સ ફેક્ટરીમાં બ્લાસ્ટ, 5 કર્મચારીઓના મોત  

 મહારાષ્ટ્રના ભંડારામાં એક ઓર્ડિનન્સ ફેક્ટરીમાં મોટો વિસ્ફોટ થયો છે. આ અકસ્માતમાં 5 કર્મચારીઓના મોત થયા છે. અન્ય ઘણા કર્મચારીઓને ઈજા થઈ હોવાની ​​પ્રાથમિક માહિતી મળી છે. આ વિસ્ફોટ ફેક્ટરીની આરકે શાખા વિભાગમાં થયો હતો. 

ફેક્ટરીમાં થયેલા બ્લાસ્ટની તસવીરો પણ સામે આવી રહી છે, જેમાં જોઈ શકાય છે કે હથિયાર બનાવવા માટે વપરાતી ભારે સામગ્રીના ટુકડા ચારેબાજુ પથરાયેલા છે. એમ્બ્યુલન્સ પણ ઘટનાસ્થળે પહોંચી ગઈ છે અને ઘાયલોને મદદ કરી રહી છે. વિસ્ફોટનો અવાજ એટલો જોરદાર હતો કે વિસ્તારમાં ગભરાટ ફેલાયો હતો અને લોકો આમ-તેમ ભાગવા લાગ્યા હતા. સ્થળ પર ભારે ભીડ એકઠી થઈ ગઈ છે. પોલીસની ટીમ ઘટના સ્થળે હાજર છે અને રાહત કાર્યમાં લાગેલી છે. ઘાયલોને એમ્બ્યુલન્સની મદદથી હોસ્પિટલ લઈ જવામાં આવી રહ્યા છે. લોકોનું કહેવું છે કે વિસ્ફોટનો અવાજ એટલો જોરદાર હતો કે વિસ્તારમાં ગભરાટ ફેલાયો હતો અને લોકો ભાગવા લાગ્યા હતા. ઘટનાસ્થળે સ્થાનિક લોકોની મોટી ભીડ એકઠી થઈ ગઈ છે, જે લોકોને બચાવવામાં મદદ કરી રહ્યા છે.

શુક્રવારે (24 જાન્યુઆરી) સવારે 10:30 થી 10:45ની વચ્ચે બ્લાસ્ટ થયો હતો. આ સમયે ફેક્ટરીમાં 14 કર્મચારીઓ કામ કરી રહ્યા હતા. મળતી માહિતી મુજબ અત્યાર સુધીમાં પાંચ લોકોના મોત થયા છે. જો કે હજુ સુધી આ વાતની સત્તાવાર પુષ્ટિ થઈ નથી. તે જ સમયે, ચારથી પાંચ લોકોને ગંભીર ઇજાગ્રસ્ત હાલતમાં બહાર કાઢવામાં આવ્યા છે. ઓર્ડનન્સ ફેક્ટરીના અધિકારીઓ ઉપરાંત ફાયર બ્રિગેડ અને પોલીસ અધિકારીઓ પણ ઘટનાસ્થળે હાજર છે અને બચાવ કામગીરી ચાલી રહી છે.