ભારતને નહીં રહે સ્ટારલિંકની જરૂર! સેટેલાઇટ ઇન્ટરનેટ નેટવર્ક બનાવવા માટે Jio ને મળી મંજૂરી

સેટેલાઇટ ઇન્ટરનેટ માટે રિલાયન્સ જીઓને એક જરૂરી મંજૂરી મળી ગઈ છે. વાસ્તવમાં, જીઓ લો-અર્થ ઓર્બિટમાં 1600 સેટેલાઇટ ડિપ્લોય કરવા માંગે છે. દેશના સ્પેસ રેગ્યુલેટર IN-SPACe એ કંપનીના આ પ્રસ્તાવને મંજૂરી આપી દીધી છે. ISRO અને ડિપાર્ટમેન્ટ ઓફ ટેલિકોમ્યુનિકેશન (DoT) ની સાથે મળીને કરવામાં આવેલા ટેકનિકલ રિવ્યુમાં જીઓના પ્લાનને ટેકનિકલ રીતે યોગ્ય માનવામાં આવ્યો છે. આ મંજૂરી મળ્યા બાદ હવે જીઓ ઓર્બિટલ સ્લોટ માટે ઇન્ટરનેશનલ ફાઇલિંગ કરી શકશે. આ સાથે જ જીઓનો ભારતનો પ્રથમ સેટેલાઇટ બ્રોડબેન્ડ કોન્સ્ટેલેશન બનાવવાનો રસ્તો સાફ થઈ જશે.

જીઓ લો-અર્થ ઓર્બિટમાં 1600 સેટેલાઇટ ડિપ્લોય કરવા માંગે છે. ધરતીથી 160-2000 કિલોમીટર ઉપરના ઓર્બિટ ઝોનને લો-અર્થ ઓર્બિટ (LEO) કહેવામાં આવે છે. 1600 સેટેલાઇટની મદદથી જીઓ સ્પેસમાં એક કોમ્યુનિકેશન નેટવર્ક બનાવશે, જે દેશભરમાં હાઇ-સ્પીડ ઇન્ટરનેટ અને મોબાઇલ કનેક્ટિવિટી આપવાના કામમાં આવશે. એલોન મસ્કની કંપની સ્ટારલિંક પહેલેથી જ સેટેલાઇટ ઇન્ટરનેટ પ્રોવાઇડ કરી રહી છે, પરંતુ તેને હજુ ભારતમાં પોતાની સર્વિસ શરૂ કરવાની મંજૂરી મળી નથી.

જીઓના પ્રસ્તાવ મુજબ, સેટેલાઇટ નેટવર્કને 4.5-5Tbps ની કેપેસિટી ઓફર કરવાના હિસાબે ડિઝાઇન કરવામાં આવશે. આ બીજા ઘણા સેટેલાઇટ પ્રોજેક્ટ્સની સરખામણીમાં ખૂબ જ વધારે છે. પોતાના સેટેલાઇટ ઓપરેશન અને નેટવર્ક સર્વિસને સપોર્ટ કરવા માટે જીઓ દેશભરમાં 20-22 ગ્રાઉન્ડ સ્ટેશન પણ તૈયાર કરશે. આ નેટવર્ક કન્ઝ્યુમર અને એન્ટરપ્રાઇઝ સેગમેન્ટની સર્વિસ આપવા માટે ઉપયોગમાં લેવાશે. આ સિવાય જીઓ બ્રોડબેન્ડ અને સેલ્યુલર બેકહોલ જેવી ફિક્સ્ડ સેટેલાઇટ સર્વિસની સાથે-સાથે ડાયરેક્ટ-ટુ-ડિવાઇસ જેવી મોબાઇલ સેટેલાઇટ સર્વિસ આપવાની પણ યોજના બનાવી રહ્યું છે.

IN-SPACe એ મંજૂરી આપતાં કહ્યું છે કે જીઓનો પ્રપોઝલ ટેકનિકલ રીતે સેટેલાઇટ સિસ્ટમ ધરાવતી દુનિયાની મોટી કંપનીઓના સ્તરનો છે. જો કેપેસિટીની વાત કરીએ તો સ્ટારલિંકને ભારતમાં 600Gbps ની સ્પીડનું એપ્રૂવલ મળેલું છે. જ્યારે એમેઝોનનો પ્રોજેક્ટ કુઇપર 3Tbps ની સ્પીડ ઓફર કરશે. આ પ્રોજેક્ટને પણ હજુ ભારતમાં મંજૂરી મળવાની બાકી છે. આ બધાની સરખામણીમાં જીઓ લગભગ 5Tbps સુધીની સ્પીડનો પ્રપોઝલ લઈને આવ્યું છે.જીઓને અત્યારે ભારત સરકાર તરફથી મંજૂરી મળી ગઈ છે, પરંતુ સેટેલાઇટ ડિપ્લોય કરતા પહેલા ઇન્ટરનેશનલ લેવલ પર ઘણી અન્ય મંજૂરીઓ લેવી પડશે. આમાં ઇન્ટરનેશનલ ઓર્બિટલ રાઇટ્સ પણ સામેલ છે. આ માટે જીઓએ ભારત સરકાર પાસે ઇન્ટરનેશનલ ટેલિકોમ્યુનિકેશન યુનિયન (ITU) પાસેથી રાઇટ્સ અપાવવામાં મદદ માંગી છે.