કોમનવેલ્થ ગેમ્સમાં ભારતે છઠ્ઠો ગોલ્ડ જીત્યો:પ્રીતિ પવારે વુમન્સ બોક્સિંગની ફાઈનલ જીત્યો

કોમનવેલ્થ ગેમ્સમાં ભારતે છઠ્ઠો ગોલ્ડ મેડલ જીતી લીધો છે. વુમન્સ બોક્સિંગમાં 54 KGમાં પ્રીતિ પવારે ફાઈનલ મેચ જીતીને દેશને આ સફળતા અપાવી. તેણે ફાઈનલમાં કેનેડાની સવાના ડોલમાગોને હરાવી.

બોક્સિંગ સિવાય આજે ભારતના ખેલાડીઓ એથ્લેટિક્સ, પેરા એથ્લેટિક્સ, જુડો, ટ્રેક સાયક્લિંગ અને લોન બોલ્સમાં પણ મેડલ માટે દાવેદારી નોંધાવશે. દિવસભરમાં કુલ 44 ગોલ્ડ મેડલ ઇવેન્ટ્સ યોજાશે. જેમાં 19 એથ્લેટિક્સ અને પેરા એથ્લેટિક્સ, 14 બોક્સિંગ, 6 ટ્રેક અને પેરા ટ્રેક સાયક્લિંગ તથા 5 જુડોના ફાઈનલ સામેલ છે.

પેરા એથ્લેટિક્સમાં મેન્સ 1500 મીટર T54 ફાઇનલમાં ભારતના રમેશ શનમુગમ સાતમા સ્થાને રહ્યા. તેમણે 3:23:59 મિનિટનો સમય લીધો.

ટ્રિપલ જમ્પની ફાઇનલ ચાલુ

મેન્સ ટ્રિપલ જમ્પની ફાઇનલ ચાલુ છે. ભારતના સેલ્વા પ્રભુ થિરુમારન અને પ્રવીણ ચિત્રાવલે આ ઇવેન્ટમાં દાવેદારી રજૂ કરી રહ્યા છે. સેલ્વાનો પહેલો પ્રયાસ 15.87 મીટરનો રહ્યો અને તે હાલમાં પાંચમા સ્થાને છે. જ્યારે, પ્રવીણનો પહેલો પ્રયાસ 16.05 મીટરનો રહ્યો. તે ચોથા સ્થાને છે.

રવીના ગાયકવાડ ડિસ્ક્વોલિફાય

વુમન્સ 10,000 મીટર રેસ વોક ફાઇનલમાં ભારતની રવીના ગાયકવાડને ડિસ્ક્વોલિફાય કરવામાં આવી. તેમને રેસ વોકિંગના નિયમોના ઉલ્લંઘન બદલ ત્રણ રેડ કાર્ડ મળ્યા, જેના પછી તેમને બહાર કરવામાં આવ્યા. આ સાથે કોમનવેલ્થ ગેમ્સમાં તેમનું અભિયાન નિરાશાજનક રીતે સમાપ્ત થયું.

બોક્સિંગમાં ભારતના 10 મેડલ પાક્કા

ભારતની શરૂઆત બપોરે 3:30 વાગ્યે પ્રીતિ પવારની વુમન્સ 54 કિગ્રા ફાઇનલથી થશે. ત્યારબાદ 3:45 વાગ્યે જાસ્મિન લામ્બોરિયા (57 કિગ્રા) અને 4:15 વાગ્યે જદુમણિ સિંહ (55 કિગ્રા) ગોલ્ડ માટે મેદાનમાં ઉતરશે.

રાત્રે 9 વાગ્યે સાક્ષી ચૌધરી 51 kg, 9:15 વાગ્યે પ્રિયા ઘંઘાસ 60 kg, 9:30 વાગ્યે અરુંધતિ ચૌધરી 70 kg, 10:15 વાગ્યે લવલીના બોરગોહેન 75 kg, 10:45 વાગ્યે સચિન સિવાચ 60 kg, 11:15 વાગ્યે અંકુશ પંઘાલ 80 kg અને 11:45 વાગ્યે નરેન્દ્ર બરવાલ 90+ kgમાં તેમની ફાઇનલ મેચ રમશે.

એથ્લેટિક્સ અને પેરા એથ્લેટિક્સમાં પણ મેડલની આશા

બપોરે 2:35 વાગ્યે શુભમ જુયાલ અને સોમન રાણા મેન્સ શોટપુટ એફ-57 ફાઇનલમાં ઉતરશે. ત્યારબાદ 2:40 વાગ્યે પ્રવીણ ચિત્રાવેલ અને સેલ્વા પ્રભુ તિરુમારણ મેન્સ ટ્રિપલ જમ્પમાં ભાગ લેશે. પછી બપોરે 2:50 વાગ્યે રમેશ શન્મુગમ મેન્સ 1500 મીટર ટી-54 અને 3 વાગ્યે પ્રિયંકા ગોસ્વામી અને રવીના ગાયકવાડ વુમન્સ 10,000 મીટર રેસ વોક ફાઇનલ રમશે.

રાત્રે 11:35 વાગ્યે દેવ મીણા અને કુલદીપ કુમાર મેન્સ પોલ વોલ્ટ ફાઇનલમાં ઉતરશે. ત્યારબાદ 12:15 વાગ્યે ગુલવીર સિંહ મેન્સ 5000 મીટર અને 1:50 વાગ્યે ભારતની મિક્સ્ડ 4×400 મીટર રિલે ટીમ મેડલ માટે પડકાર રજૂ કરશે.

જુડો અને ટ્રેક સાયકલિંગમાં પણ મુકાબલા

જુડોમાં ઉન્નતિ શર્મા, કરણજીત સિંહ માન, હર્ષ તોકસ અને ઇનુંગાનબી તાખેલ્લામબમ પોતપોતાની પ્રારંભિક મેચો રમશે. જીત મળવા પર તેઓ આગલા રાઉન્ડમાં પહોંચશે.

ટ્રેક સાયકલિંગમાં 4:19 વાગ્યે દિનેશ કુમાર અને હર્ષવીર સિંહ સેખોન મેન્સ 10 કિમી સ્ક્રેચ રેસ ક્વોલિફાઇંગમાં ઉતરશે. ક્વોલિફાય કરવા પર બંને રાત્રે 10:50 વાગ્યે ફાઇનલ રમશે.