જમ્મુના અખનૂરમાં LoC નજીક IED બ્લાસ્ટ:બે જવાન શહીદ

જમ્મુ જિલ્લાના અખનૂર સેક્ટરમાં LoC નજીક લાલોલી વિસ્તારમાં IED વિસ્ફોટ થયો છે. આમાં સેનાના બે જવાનો શહીદ થયા હતા. એકની સ્થિતિ ગંભીર છે.

સેનાના સૂત્રોએ દાવો કર્યો છે કે શહીદ સૈનિકોના નામ કેપ્ટન કેએસ બક્ષી અને મુકેશ છે. જોકે આ વાતની પુષ્ટિ થઈ નથી.

સંરક્ષણ મંત્રાલયના પ્રવક્તાએ ભાસ્કરને જણાવ્યું હતું કે સૈનિકો પેટ્રોલિંગ કરી રહ્યા હતા. ત્યારે બ્લાસ્ટ થયો. આતંકવાદીઓને પકડવા માટે સેનાનું સર્ચ ઓપરેશન ચાલુ છે.

આ પહેલા 14 જાન્યુઆરીએ જમ્મુ અને કાશ્મીરના રાજૌરીમાં LoC નજીક લેન્ડમાઈન વિસ્ફોટમાં ગોરખા રાઈફલ્સના છ સૈનિકો ઘાયલ થયા હતા. આ વિસ્ફોટ ભવાની સેક્ટરના માકરી વિસ્તારમાં થયો હતો.