HMPV વાયરસને લઈ મેટ્રો સિટી અમદાવાદ માટે એક મહત્વના સમાચાર સામે આવ્યા છે. વાસ્તવમાં અગાઉ અમદાવાદમાં HMPV વાયરસના 5 કેસ નોંધાયા હતા. જે બાદમાં આરોગ્ય તંત્ર પણ સતર્ક બન્યું હતું અને સંક્રમણને રોકવા કવાયત શરૂ કરી હતી. આ બધાની વચ્ચે હવે સમાચાર સામે આવ્યા છે કે, અમદાવાદમાં HMPVનો એક પણ એક્ટિવ પોઝીટીવ નથી. એટલે સરળ ભાષામાં કહીએ તો 5 HMPV કેસના દર્દીઓ સાજા થઈને ડીસ્ચાર્જ થયા છે.
આ વાયરસ પહેલા ફેફસાં અને વાયુમાર્ગને નિશાન બનાવે છે. આ ચેપ શ્વસનતંત્રના કોષોને નુકસાન પહોંચાડે છે, જેનાથી શ્વાસ લેવામાં તકલીફ, ઉધરસ અને અન્ય સમસ્યાઓ થઈ શકે છે. આ ચેપ નબળી રોગપ્રતિકારક શક્તિ ધરાવતા લોકો, નાના બાળકો અને વૃદ્ધોમાં ઝડપથી ફેલાઈ શકે છે અને તે ગંભીર શ્વસન રોગનું કારણ બની શકે છે.