CBSE ધોરણ 12નું પરિણામ જાહેર, 88.39 ટકા વિદ્યાર્થીઓ પાસ
સેન્ટ્રલ બોર્ડ ઓફ સેકન્ડરી એજ્યુકેશન (CBSE) દ્વારા ધોરણ 12ના પરિણામો 2025 જાહેર કરવામાં આવ્યા છે. પરીક્ષામાં 88.39 ટકા વિદ્યાર્થીઓ પાસ થયા હતા. વિદ્યાર્થીઓ બોર્ડની સત્તાવાર વેબસાઇટ – cbseresults.nic.in અને results.cbse.nic.in પર જઈને પરિણામ જોઇ શકશો. આ વર્ષે કુલ 44 લાખથી વધુ વિદ્યાર્થીઓએ બોર્ડની પરીક્ષા આપી છે.
સીબીએસઈની માર્ગદર્શિકા મુજબ, કોઈપણ વિદ્યાર્થીએ પરીક્ષા પાસ કરવા માટે ઓછામાં ઓછા 33 ટકા ગુણ મેળવવા ફરજિયાત છે. ધોરણ 10 માટે આ ગુણને કુલ (એટલે કે થિયરી અને આંતરિક મૂલ્યાંકન સંયુક્ત) આધારે ગણવામાં આવે છે, જ્યારે ધોરણ 12માં વિદ્યાર્થીઓએ થિયરી અને પ્રેક્ટિકલ બંનેમાં અલગથી ઓછામાં ઓછા 33 ટકા ગુણ મેળવવા જરૂરી છે. જો કોઈ વિદ્યાર્થી ખૂબ જ ઓછા માર્જિન (જેમ કે 1 ગુણ) થી પરીક્ષા પાસ કરવામાં નિષ્ફળ જાય તો બોર્ડ તેને ગ્રેસ માર્ક્સ એટલે કે વધારાના ગુણ આપવાનું નક્કી કરી શકે છે.
CBSE એ વિદ્યાર્થીઓને જાણ કરી છે કે પરિણામ જાહેર થયા પછી તેઓ સત્તાવાર વેબસાઇટ્સ – cbse.gov.in, cbseresults.nic.in અને results.cbse.nic.in ની મુલાકાત લઈને તેમના સ્કોરકાર્ડ ચકાસી શકે છે. આ ઉપરાંત, વિદ્યાર્થીઓ ડિજીલોકર એપ દ્વારા તેમની ડિજિટલ માર્કશીટ અને પ્રમાણપત્રો પણ મેળવી શકે છે. બોર્ડ વિદ્યાર્થીઓના રજિસ્ટર્ડ મોબાઇલ નંબર પર SMS મોકલીને ડિજીલોકર લોગિન આઈડી અને એક્સેસ કોડ શેર કરશે જેથી તેઓ સરળતાથી લોગિન કરી શકે. આ સાથે વિદ્યાર્થીઓ ઉમંગ એપ અને એસએમએસ સેવા દ્વારા પણ પરિણામ જોઇ શકશે.
આ પણ વાંચો, ભારતનું અમેરિકા સામે મોટું એક્શન! બે વસ્તુઓ પર ટેરિફ વધારવા માટે WTOમાં નાખી ધા