બજેટ 2025: ‘મિડલ ક્લાસનું ખિસ્સું ભરનારું બજેટ’, PM મોદીએ નિર્મલા સીતારમણના કર્યાં ખૂબ વખાણ

વડાપ્રધાન નરેન્દ્ર મોદીએ તેને સામાન્ય માણસનું બજેટ ગણાવ્યું છે. પીએમએ નાણામંત્રી નિર્મલા સીતારમણની પણ પ્રશંસા કરી છે. પીએમ મોદીએ કહ્યું, આ બજેટ મધ્યમ … પીએમ મોદીએ વધુમાં કહ્યું કે, આજનો દિવસ ભારતની વિકાસ યાત્રામાં એક મહત્વપૂર્ણ સીમાચિહ્નરૂપ છે. આ 140 કરોડ ભારતીયોની આકાંક્ષાઓનું બજેટ છે, પીએમ મોદીએ વધુમાં કહ્યું કે, હું નિર્મલા સીતારમણ અને તેમની આખી ટીમને લોકો કેન્દ્રિત બજેટ લાવવા બદલ અભિનંદન આપું છું. ઈન્ફ્રાસ્ટ્રક્ચરનો દરજ્જો મળવાથી દેશમાં મોટા જહાજોના નિર્માણને પ્રોત્સાહન મળશે. આ ઉપરાંત, તે આત્મનિર્ભર પહેલને વેગ આપશે.

બજેટ પરની કેબિનેટની બેઠકમાં પીએમ મોદીએ એક મોટું નિવેદન આપ્યું હતું. પીએમ મોદીએ તેમના કેબિનેટ સહયોગીઓને કહ્યું કે આ બજેટ સામાન્ય માણસ માટે છે. ગરીબ ખેડૂતો, મહિલાઓ અને યુવાનોની આકાંક્ષાઓનું આ બજેટ છે. આ જ્ઞાન (ગરીબ, યુવાનો, અન્નદાતા અને સ્ત્રી શક્તિ)નું બજેટ છે. વડાપ્રધાન નરેન્દ્ર મોદી બજેટ સત્રની કાર્યવાહીમાં સામેલ થવા માટે સંસદ ભવન પહોંચ્યા હતા. પીએમ મોદીએ આ દરમિયાન પત્રકારોને સંબોધતા ધનની દેવી માં લક્ષ્મીનું સ્મરણ કર્યું અને સમૃદ્ધિની દેવીની સ્તુતિ કરી હતી અને કહ્યું કે આ સદીઓ જૂની પરંપરા છે. પીએમ મોદીએ કહ્યું કે, માં લક્ષ્મીને પ્રાર્થના કરૂ છું કે સમૃદ્ધિ અને વિવેક, સમૃદ્ધિ અને કલ્યાણ પણ આપે છે. હું પ્રાર્થના કરૂં છું કે દેશના દરેક ગરીબ અને મધ્યમવર્ગ પર માં લક્ષ્મીની વિશેષ કૃપા રહે. ગણતંત્રના 75 વર્ષ પૂર્ણ થયા છે અને આ દરેક દેશવાસીઓ માટે સૌથી ગૌરવપૂર્ણ છે.નાણા મંત્રી સીતારમણે 12 લાખની આવક ટેક્સ ફ્રી કરવાનું જે એલાન કર્યું છે તે બજેટની સૌથી ખાસ વાત છે.