Ahmedabad: ગુજરાત સાયન્સ સિટી અને માયક્રોન ફાઉન્ડેશનના સહયોગથી STEM સ્પાર્ક એક્ઝિબિશન યોજાયું
ગુજરાત કાઉન્સિલ ઑફ સાયન્સ સિટી (GCSC), અમદાવાદ પોલીસ, માયક્રોન અને મંત્રા ફોર ચેન્જના સંયુક્ત ઉપક્રમે વિદ્યાર્થીઓને વિજ્ઞાન, ટેકનોલોજી, એન્જિનિયરિંગ અને ગણિત (STEM) જેવા વિષયોની તાલીમ આપવામાં આવી હતી.
આ એક્ઝિબિશનમાં વિદ્યાર્થીઓએ તેમના વૈજ્ઞાનિક મોડેલો અને STEM પર આધારીત પ્રોજેક્ટ્સ રજૂ કર્યા હતા. 70થી વધુ વિદ્યાર્થીઓએ 23થી વધુ વૈજ્ઞાનિક મોડેલો રજૂ કર્યા. જેમાં શ્રેષ્ઠ 3 એન્ટ્રીઝને ટ્રોફી, મેડલ અને પ્રમાણપત્રોથી નવાજવામાં આવ્યા હતા.
પ્રદર્શન દરમિયાન સાયન્સ સિટીના એક્ઝિક્યુટિવ ડિરેક્ટર સુધીર પટેલ, સફિન હસન (IPS, નોડલ ઓફિસર – સ્ટુડન્ટ પોલીસ કેડેટ કાર્યક્રમ), શ્રીમતી મોઈરા દાવા (પ્રોગ્રામ મેનેજર, માયક્રોન ઇન્ડિયા), અને ડૉ. વ્રજેશ પરીખ (જનરલ મેનેજર, સાયન્સ પ્રમોશન, GCSC) દ્વારા પ્રેરણાત્મક સંબોધન કરવામાં આવ્યું હતું.
ડિસેમ્બર 2024થી અત્યાર સુધીમાં માયક્રોન STEM લેબ દ્વારા 43 શાળાઓના 3100થી વધુ વિદ્યાર્થીઓ અને 50 શાળાના 1200 શિક્ષકોને તાલીમ આપવામાં આવી છે. સાયન્સ સિટી અને માયક્રોન ફાઉન્ડેશનના સહયોગથી આ અભિયાન સરકારી શાળાઓના વિદ્યાર્થીઓમાં વૈજ્ઞાનિક દૃષ્ટિકોણ, નવીન વિચારશક્તિ અને AI લીટરસી વધારવાનો પ્રયાસ છે. ભવિષ્યમાં પણ આવા કાર્યક્રમો STEM ક્ષેત્રે વિદ્યાર્થીઓમાં રુચિ અને આત્મવિશ્વાસ વધારવામાં મહત્ત્વપૂર્ણ ભુમિકા ભજવશે.
આ પણ વાંચો, Terrorist attack in Pahalgam: પહલગામમાં ગુપ્તચર તંત્રની નિષ્ફળતા કે પછી તેની પાછળ કોઈ મોટું ષડયંત્ર?