Ravindra Jadeja: શું રવિન્દ્ર જાડેજા વનડે ટુર્નામેન્ટમાથી સંન્યાસ લેશે?ચેમ્પિયન્સ ટ્રોફી જીત્યા બાદ કહી આ વાત
રોહિત શર્માની કેપ્ટનશીપ હેઠળ ભારતીય ટીમે ICC ચેમ્પિયન્સ ટ્રોફી 2025 માં ધમાલ મચાવી અને અપરાજિત રહીને ખિતાબ જીત્યો. 9 માર્ચે યોજાયેલી ટુર્નામેન્ટની ફાઇનલમાં ભારતીય ટીમે ન્યુઝીલેન્ડને 4 વિકેટથી હરાવ્યું હતું.
અહેવાલોમાં દાવો કરવામાં આવી રહ્યો હતો કે આ જીત પછી, ભારતીય સ્પિન ઓલરાઉન્ડર રવિન્દ્ર જાડેજા ક્રિકેટમાંથી નિવૃત્તિ લેશે. પણ એવું ન થયું. હવે, ટુર્નામેન્ટ જીત્યાના એક દિવસ પછી, જાડેજાએ પોતે આ પ્રશ્નનો જવાબ સંકેતોમાં આપ્યો છે.
જાડેજાએ સોશિયલ મીડિયા પર એક પોસ્ટ શેર કરી. આમાં તેમણે નિવૃત્તિ વિશે કંઈ ઉલ્લેખ કર્યો નથી, પરંતુ લોકોને તેમની નિવૃત્તિ વિશે કોઈ અફવાઓ ન ફેલાવવાનો સંકેત આપ્યો છે. જાડેજા હજુ પણ ભવિષ્યમાં ક્રિકેટ રમવાનો ઇરાદો ધરાવે છે.
જાડેજાએ ઇન્સ્ટાગ્રામ સ્ટોરી પર એક પોસ્ટ શેર કરી હતી. આમાં તેમણે ફક્ત એટલું જ લખ્યું, ‘બિનજરૂરી અફવાઓ ફેલાવશો નહીં.’ આભાર. એવું માનવામાં આવે છે કે આ પોસ્ટ દ્વારા જાડેજાએ પોતાની નિવૃત્તિના સમાચારને અફવા ગણાવી છે.
અંતિમ મેચમાં 36 વર્ષીય જાડેજાએ બોલિંગમાં 30 રન આપીને 1 વિકેટ લીધી. બેટિંગ કરતી વખતે, તે 8મા નંબરે બેટિંગ કરવા આવ્યો. આ પછી, જાડેજાએ 6 બોલમાં અણનમ 9 રન બનાવ્યા અને ટીમને જીત તરફ દોરી ગયા. ૪૯મી ઓવરના છેલ્લા બોલ પર ચોગ્ગો ફટકારીને જાડેજાએ જ મેચ જીતી હતી.
આ પણ વાંચો, Chhattisgarh: ભૂપેશ બઘેલના ઘરે EDની રેડમાં મોટી માત્રામાં રોકડ મળી, ગણવા માટે મશીન મંગાવાયા