ઇઝરાયલે રાષ્ટ્રપતિ ડોનાલ્ડ ટ્રમ્પની હત્યા કરવાના નવા ઇરાની કાવતરા વિશે અમેરિકાને ગુપ્ત માહિતી પૂરી પાડી છે. અહેવાલ મુજબ 2020 માં કાસિમ સુલેમાનીની મોતનો બદલો લેવા માટે ઇરાન ટ્રમ્પને નિશાન બનાવવાનો પ્રયાસ કરી શકે છે. જોકે અમેરિકાએ આવા કોઈ ઇનપુટની પુષ્ટિ કરી નથી.
અમેરિકા અને ઈરાન વચ્ચે વધતા તણાવ વચ્ચે એક નવા રિપોર્ટએ સનસનાટી મચાવી છે. યુએસ મીડિયા અહેવાલો અનુસાર ઇઝરાયલે અમેરિકાને ગુપ્ત માહિતી પૂરી પાડી છે જેમાં દાવો કરવામાં આવ્યો છે કે ઇરાને રાષ્ટ્રપતિ ડોનાલ્ડ ટ્રમ્પની હત્યા માટે એક નવું કાવતરું તૈયાર કર્યું છે. આ માહિતી એવા સમયે આવી છે જ્યારે બંને દેશો વચ્ચે લશ્કરી ટક્કર ફરી તીવ્ર બન્યો છે.
મીડિયા અહેવાલો અનુસાર ઇઝરાયલી ગુપ્તચર એજન્સીઓએ આ અઠવાડિયે યુએસ અધિકારીઓને ચેતવણી આપી હતી કે ઇરાન ટ્રમ્પને નિશાન બનાવવા માટે એક ચોક્કસ યોજના પર કામ કરી રહ્યું છે. જો કે અમેરિકી એજન્સીઓ હજુ સુધી સ્વતંત્ર રીતે આ ઇનપુટની પુષ્ટિ કરી શકી નથી.રિપોર્ટમાં જણાવાયું છે કે 2020 માં યુએસ ડ્રોન હુમલામાં ઈરાની રિવોલ્યુશનરી ગાર્ડ્સ કુદ્સ ફોર્સના કમાન્ડર જનરલ કાસિમ સુલેમાનીના મૃત્યુ પછી ઈરાન સતત ટ્રમ્પ સામે બદલો લેવાની હાકલ કરી રહ્યું છે. તાજેતરમાં માર્યા ગયેલા ઈરાનના સુપ્રીમ લીડર અલી ખામેનીના અંતિમ સંસ્કાર દરમિયાન પણ ટ્રમ્પ વિરોધી નારા લગાવવામાં આવ્યા હતા.
દરમિયાન ડોનાલ્ડ ટ્રમ્પે પોતે કહ્યું છે કે તેમનું નામ ઈરાનની “હિટ લિસ્ટ”માં ટોચ પર છે. તેમણે પત્રકારોને કહ્યું, “તેઓ અમેરિકાના નેતા એટલે કે મને ખતમ કરવા માંગે છે. આજે સવારે મેં જોયું કે હું તેમની પાસે રહેલી દરેક યાદીમાં છું. હું અત્યાર સુધી ભાગ્યશાળી રહ્યો છું, પરંતુ તે કાયમ માટે રહેતુ નથી.”