Shooting at Graz school in Austria: ઑસ્ટ્રિયાની ગ્રાઝ સ્કૂલમાં ગોળીબાર, પાંચ લોકોના મોત; પોલીસ ઘટનાસ્થળે
ઑસ્ટ્રિયન શહેર ગ્રાઝની એક સ્કૂલમાં ગોળીબારમાં ઓછામાં ઓછા પાંચ લોકોના મોત થયા છે. ઑસ્ટ્રિયન પોલીસે પુષ્ટિ આપી છે કે મંગળવારે સવારે શહેરમાં એક મોટું ઓપરેશન ચાલી રહ્યું છે. પોલીસે જણાવ્યું હતું કે શાળાની અંદર ગોળીબારનો અવાજ સંભળાયા બાદ સવારે 10 વાગ્યે આ ઓપરેશન શરૂ થયું હતું.
સ્થાનિક અખબારના અહેવાલ આપ્યો છે કે શાળામાં પાંચ લોકોના મોત થયા છે અને પોલીસ ઇમારતની તપાસ કરી રહી છે. ઑસ્ટ્રિયન રાજ્ય મીડિયા ORF એ સ્થાનિક પોલીસને ટાંકીને અહેવાલ આપ્યો છે કે ગંભીર રીતે ઘાયલોમાં વિદ્યાર્થીઓ અને શિક્ષકોનો સમાવેશ થાય છે. શંકાસ્પદ ગુનેગાર જે વિદ્યાર્થી હોવાનું કહેવાય છે, તેણે આત્મહત્યા કરી હોવાનું માનવામાં આવે છે.પોલીસે જણાવ્યું હતું કે ડ્રેયર્સચુએત્ઝેંગાસે નામની શેરીમાં ઓપરેશન ચાલી રહ્યું હતું, જ્યાં એક માધ્યમિક શાળા છે. હાલમાં અધિકારીઓ દ્વારા ઇમારતની શોધખોળ કરવામાં આવી રહી છે અને લોકોને વિસ્તારથી દૂર રહેવાની ચેતવણી આપવામાં આવી છે.
આ પણ વાંચો, LRD પરીક્ષામાં ST વિભાગ દોડાવશે એકસ્ટ્રા બસો, એડવાન્સ બુકિંગ સહિતની માહિતી જાણી લો