CNGના ભાવમાં ભડકો, ગુજરાત ગેસે પ્રતિ કિલો 5 રૂપિયાનો વધારો ઝીંક્યો

મોંઘવારીનો સામનો કરી રહેલા વાહનચાલકો માટે વધુ એક ખરાબ સમાચાર સામે આવ્યા છે. પેટ્રોલ અને ડીઝલ બાદ હવે CNGના ભાવમાં પણ વધારો કરવામાં આવ્યો છે. અદાણી ગેસ બાદ ગુજરાત ગેસે પણ CNGના ભાવમાં પ્રતિ કિલો 5 રૂપિયાનો વધારો ઝીંક્યો છે. આ વધારા સાથે ગુજરાત ગેસનો CNG ભાવ રૂ. 88.76થી વધીને રૂ. 93.76 પ્રતિ કિલો થયો છે. નવો ભાવ રાતથી અમલી બન્યો છે.

મોંઘવારીનો માર સહન કરી રહેલા વાહનચાલકો માટે વધુ એક માઠા સમાચાર આવ્યા છે. પેટ્રોલ-ડીઝલ બાદ હવે CNGના ભાવમાં પણ ભડકો થયો છે. અદાણી ગેસ બાદ ગુજરાત એનર્જી એટલે કે ગુજરાત ગેસે પણ CNGના ભાવમાં પ્રતિ કિલો 5 રૂપિયાનો તોતિંગ વધારો ઝીંક્યો છે. આ ભાવવધારા સાથે ગુજરાત ગેસનો CNGનો ભાવ 88.76 રૂપિયાથી વધીને સીધો 93.76 રૂપિયા પ્રતિ કિલો થઈ ગયો છે. નવો ભાવ રાતથી જ અમલી બન્યો.

ચાર મહિનામાં બીજી વખત CNGના ભાવમાં વધારો કરવામાં આવ્યો છે. અગાઉ 18 ઓગસ્ટે પણ 3.75 રૂપિયાનો વધારો ઝીંકાયો હતો. બીજી તરફ અદાણી ગેસે તો માત્ર 13 દિવસમાં બે વખત ભાવવધારો કરીને CNGના ભાવ 100.77 રૂપિયા સુધી પહોંચાડી દીધા. CNGના ભાવમાં સતત વધારાથી હવે રિક્ષાચાલકો, ટેક્સીચાલકો અને CNG કારચાલકોના ખિસ્સા પર સીધી અસર પડશે. ગેસ ભરાવવાનો ખર્ચ વધશે તો પરિવહન ખર્ચમાં પણ વધારો થવાની શક્યતા છે. અંતે આ વધારાનો બોજ સામાન્ય નાગરિકોના ખિસ્સા પર જ પડશે.

ઉલ્લેખનીય છે કે છેલ્લા ચાર મહિનામાં CNGના ભાવમાં બીજી વખત વધારો કરવામાં આવ્યો છે. અગાઉ 18 ઓગસ્ટના રોજ પણ પ્રતિ કિલો રૂ. 3.75નો વધારો કરવામાં આવ્યો હતો. બીજી તરફ, અદાણી ગેસે પણ માત્ર 13 દિવસમાં બે વખત ભાવવધારો કર્યો છે, જેના પગલે CNGનો ભાવ 100.77 રૂપિયા પ્રતિ કિલોએ પહોંચ્યો છે.ખાસ કરીને રોજીરોટી માટે વાહન ચલાવતા રિક્ષા અને ટેક્સીચાલકોની આવક પર પણ તેની અસર થવાની શક્યતા છે. જો વાહનચાલકો વધેલા ખર્ચની ભરપાઈ કરવા ભાડામાં વધારો કરે તો તેની અસર સામાન્ય મુસાફરોના ખિસ્સા પર પણ પડી શકે છે. આમ CNGના વધેલા ભાવે વાહનચાલકોની સાથે સામાન્ય નાગરિકોની ચિંતામાં પણ વધારો કર્યો છે.

Leave a Reply

Your email address will not be published. Required fields are marked *