રાહુલ ગાંધી સંસદ માર્ગ પોલીસ સ્ટેશનની બહાર ધરણા પર બેઠા CJP પ્રોટેસ્ટમાં ઘાયલ પ્રદર્શનકારીને લઈને પહોંચ્યા, FIR નોંધવાની માગ
રાહુલ ગાંધી શુક્રવારે જંતર-મંતર પ્રદર્શનમાં ઘાયલ વિદ્યાર્થી સાહિલને સાથે લઈને સંસદ માર્ગ પોલીસ સ્ટેશન પહોંચ્યા. તેમણે પેલેટ ગન કેસમાં પીડિતની FIR નોંધવાની માગ કરી, પરંતુ FIR ન નોંધાતા તેઓ પોલીસ સ્ટેશનની બહાર ધરણા પર બેસી ગયા. પ્રિયંકા ગાંધી પણ રાહુલ સાથે ધરણા પર બેઠા.
રાહુલે સંસદના ચોમાસુ સત્રમાં કોકરોચ જનતા પાર્ટી (CJP)ના સંસદ માર્ચમાં પેલેટ ગનના ઉપયોગના મુદ્દાને ઉઠાવ્યો હતો અને ગૃહમંત્રી અમિત શાહ પાસેથી જવાબ માંગ્યો હતો. જોકે, કેન્દ્રીય મંત્રી કિરણ રિજિજુએ કહ્યું હતું કે પોલીસે ગોળી ચલાવી નથી.
NEET પેપર લીક વિરુદ્ધ CJPનું 20 જૂનથી જંતર-મંતર પ્રદર્શન શરૂ થયું હતું. સોનમ વાંગચુકે ભૂખ હડતાળ કરી હતી. 20 જુલાઈના સંસદ માર્ચમાં પોલીસ અને પ્રદર્શનકારીઓ વચ્ચે અથડામણ થઈ હતી. 25 જુલાઈએ શિક્ષણ મંત્રી ધર્મેન્દ્ર પ્રધાનના રાજીનામા પછી પ્રદર્શન સમાપ્ત થયું.
14 ઑગસ્ટે સાહિલ લોચવ વકીલો સાથે દિલ્હી પોલીસ પાસે પહોંચ્યા અને લેખિત ફરિયાદ આપી. આરોપ છે કે પોલીસે I/O નંબર આપવાનો ઇનકાર કર્યો.
17 ઑગસ્ટે ઇમેલ અને ફોનથી પણ ફરિયાદની જાણકારી આપી, પરંતુ ન I/O નંબર મળ્યો અને ન જ ફરિયાદની રસીદ આપવામાં આવી.