કેરળમાં ચોમાસાની થઈ ગઈ ધમાકેદાર એન્ટ્રી, જાણો ગુજરાત સહિત દેશમાં ક્યારે પડશે વરસાદ
કાળઝાળ ગરમી, શેકાતી સડકો અને અસહ્ય ઉકળાટ વચ્ચે આખા દેશ માટે સૌથી મોટા ખુશખબર સામે આવ્યા છે. દક્ષિણ-પશ્ચિમ ચોમાસાએ કેરળમાં સત્તાવાર રીતે પ્રવેશ કરી લીધો છે. આ સાથે જ ભારતમાં વરસાદની મુખ્ય સીઝનની શરૂઆત થઈ ગઈ છે. ભારતીય હવામાન વિભાગ દ્વારા સત્તાવાર જાહેરાત કરવામાં આવ્યા બાદ કેરળના અનેક વિસ્તારોમાં તેજ વરસાદ શરૂ થઈ ગયો છે. આકાશમાં ઘેરાયેલા કાળાડિબાંગ વાદળોએ ગરમીની તીવ્રતા ઓછી કરી દીધી છે અને લોકોમાં રાહતનો માહોલ જોવા મળી રહ્યો છે.
દર વર્ષની જેમ આ વર્ષે પણ ચોમાસાનું આગમન માત્ર હવામાનની માહિતી નથી, પરંતુ દેશના કરોડો ખેડૂતો, વેપારીઓ અને સામાન્ય જનતા માટે આશા અને રાહતનો મોટો સંદેશ લઈને આવ્યું છે. ખેતરોથી લઈને શહેરો સુધી હવે સૌ કોઈની નજર વરસાદની આગામી ગતિ પર ટકેલી છે. હવામાન વિભાગના જણાવ્યા અનુસાર ચોમાસું હવે ધીમે ધીમે દેશના અન્ય ભાગોમાં પણ આગળ વધશે. આગામી દિવસોમાં દક્ષિણ ભારત, મધ્ય ભારત અને ઉત્તર ભારતના અનેક વિસ્તારોમાં વરસાદી માહોલ સર્જાઈ શકે છે.
હવામાન વિભાગે કેરળના 8 જિલ્લામાં ઓરેન્જ એલર્ટ જાહેર કર્યું છે. IMD દ્વારા 4 જૂનથી 9 જૂન દરમિયાન ભારેથી અતિભારે વરસાદની આગાહી કરવામાં આવી છે. આ સમયગાળા દરમિયાન અનેક વિસ્તારોમાં 7 સેન્ટિમીટરથી લઈને 20 સેન્ટિમીટર સુધી વરસાદ નોંધાઈ શકે છે. ખાસ કરીને તિરુવનંતપુરમ, કોલ્લમ, પથાનમથિટ્ટા, અલપ્પુઝા, કોટ્ટાયમ, ઇડુક્કી, એર્નાકુલમ અને ત્રિશૂર જિલ્લામાં વહીવટીતંત્રને એલર્ટ પર રાખવામાં આવ્યું છે. ભારે વરસાદના કારણે નીચાણવાળા વિસ્તારોમાં પાણી ભરાવાની અને જનજીવન પ્રભાવિત થવાની શક્યતા પણ વ્યક્ત કરવામાં આવી છે.
કેરળમાં ચોમાસાની એન્ટ્રી બાદ હવે તે ઝડપથી આગળ વધશે તેવી સંભાવના છે. હવામાન વૈજ્ઞાનિકોના જણાવ્યા અનુસાર આગામી થોડા દિવસોમાં ચોમાસું મહારાષ્ટ્ર તરફ આગળ વધી શકે છે. સામાન્ય રીતે કેરળમાં 1 જૂનની આસપાસ ચોમાસું બેસતું હોય છે, પરંતુ આ વખતે 4 જૂને તેની સત્તાવાર શરૂઆત થઈ છે. હાલની ગતિને જોતા જૂનના મધ્ય સુધીમાં બિહાર અને જૂનના અંતિમ અઠવાડિયા સુધીમાં ઉત્તર પ્રદેશમાં ચોમાસું પહોંચે તેવી પૂરેપૂરી શક્યતા વ્યક્ત કરવામાં આવી રહી છે. સાથે જ દેશના અનેક રાજ્યોમાં ગાજવીજ અને તેજ પવન સાથે વરસાદનું એલર્ટ જાહેર કરવામાં આવ્યું છે.
https://www.instagram.com/timenewsguj
https://www.youtube.com/@INTIMENEWSCHANNEL
આ પણ વાંચો: http://પ્રજ્ઞાચક્ષુ આધેડને માર મારવો ભારે પડી ગયો, ચાંગોદરના PSI સોનલને ઉચ્ચ અધિકારીઓએ કર્યા સસ્પેન્ડ