BSE Sensex 639 પોઈન્ટ ઉછળી 77,304 પર બંધ, જ્યારે Nifty 50માં 195 પોઈન્ટનો વધારો; ઓટો અને ફાર્મા શેરોમાં જોરદાર ખરીદી

આજે 27 એપ્રિલે શેરબજારમાં જોરદાર તેજી જોવા મળી. BSE Sensex 639 પોઈન્ટ વધીને 77,304 પર બંધ થયો, જ્યારે Nifty 50 195 પોઈન્ટ ઉછળી 24,093 પર પહોંચ્યો. ઓટો, આઈટી, મેટલ, મીડિયા અને ફાર્મા શેરોમાં ભારે ખરીદી જોવા મળી.

Sun Pharmaceutical Industriesના શેરમાં આજે 6.83%થી વધુનો ઉછાળો નોંધાયો. કંપનીએ Organon & Co.ને ખરીદવાની જાહેરાત કરી છે. આ ડીલ સંપૂર્ણપણે રોકડ આધારિત છે અને તેની કિંમત અંદાજે $11.75 બિલિયન (રૂ. 1 લાખ કરોડથી વધુ) છે.

આજે એશિયન બજારોમાં પણ સકારાત્મક તેજી નોંધાઈ

ઇન્ડેક્સ	લેવલ	પોઈન્ટ ચેન્જ	ટકાવારી ચેન્જ
કોસ્પી (સાઉથ કોરિયા)	6,623	145	2.27%
નિક્કેઈ (જાપાન)	60,584	868	1.45%
હેંગસેંગ (હોંગકોંગ)	25,943	-35	-0.05%

24 એપ્રિલે અમેરિકી બજારમાં મિશ્ર ટ્રેડિંગ જોવા મળ્યું

ઇન્ડેક્સ	લેવલ	પોઇન્ટ ચેન્જ	ટકાવારી ચેન્જ
ડાઉ જોન્સ	49,231	-80	-0.16%
નાસ્ડેક	24,837	398	1.63%
S&P 500	7,165	57	0.80%

ક્રૂડ ઓઇલ 106 ડોલર પાર ટ્રેડ થઈ રહ્યું છે

Brent Crude Oilના ભાવ 106 ડોલર પ્રતિ બેરલથી ઉપર પહોંચી ગયા છે. બજારમાં મજબૂત માંગ અને Strait of Hormuzને લઈને વધતી ચિંતા વચ્ચે આ તેજી જોવા મળી રહી છે. હોર્મુઝને વૈશ્વિક તેલ સપ્લાય માટે સૌથી મહત્વપૂર્ણ માર્ગ માનવામાં આવે છે.

શુક્રવારે બજારમાં ઘટાડો નોંધાયો હતો

આ પહેલા, ગયા અઠવાડિયાના છેલ્લા ટ્રેડિંગ દિવસે એટલે કે 24 એપ્રિલે BSE Sensex લગભગ 1000 પોઈન્ટ (1.29%) ઘટીને 76,664 પર બંધ થયો હતો. જ્યારે Nifty 50 275 પોઈન્ટ (1.14%)ના ઘટાડા સાથે 23,898ના સ્તરે સમાપ્ત થયો હતો.

પીએમ મોદીની મુલાકાત દરમિયાન ગંગટોકમાં જનસમુદ્ર – https://www.instagram.com/reel/DXogwStDexi/?utm_source=ig_web_copy_link&igsh=MzRlODBiNWFlZA==

https://www.youtube.com/@INTIMENEWSCHANNEL

આ પણ વાંચો: સુરતમાં બંદૂકની અણીએ SBI બેંકમાં લૂંટ, 4 શખ્સો કર્મચારીઓને બંધક બનાવી 50 લાખ લઈને છૂમંતર