ઈરાન-અમેરિકા વચ્ચે ક્યારે સમાપ્ત થશે યુુદ્ધ? ડોનાલ્ડ ટ્રમ્પે કરી મોટી જાહેરાત

અમેરિકાના રાષ્ટ્રપતિ ડોનાલ્ડ ટ્રમ્પે ઈરાન સાથેના યુદ્ધ અંગે એક મોટું નિવેદન આપ્યું છે. ટ્રમ્પે કહ્યું હતું કે ઈરાન સાથેનું યુદ્ધ સમાપ્ત થવાના આરે છે. ફોક્સ ન્યૂઝ સાથેના એક ઇન્ટરવ્યૂ દરમિયાન અમેરિકન રાષ્ટ્રપતિએ આ નિવેદન આપ્યું હતું. નોંધનીય છે કે અમેરિકાએ હોર્મુઝ સ્ટ્રેટ સહિત ઈરાની બંદરોની નાકાબંધી કરી દીધી છે, જેનાથી કોઈપણ જહાજ પસાર થતું અટકાવી શકાય છે.

ઇન્ટરવ્યૂ દરમિયાન ટ્રમ્પને પૂછવામાં આવ્યું કે શું ઈરાન સાથેનું યુદ્ધ સમાપ્ત થઈ ગયું છે. જેના જવાબમાં ટ્રમ્પે કહ્યું હતું કે, “મને લાગે છે… મારે વિષય બદલવો પડ્યો કારણ કે જો હું આમ ના કરતો તો ઈરાન પાસે હાલમાં પરમાણુ શસ્ત્રો હોત.”

ટ્રમ્પે એન્કર પર કટાક્ષ કરતા કહ્યું હતું કે, “અને જો તેમની પાસે પરમાણુ શસ્ત્રો હોત તો તમે ત્યાં દરેકને ‘સર’ કહીને સંબોધતા હોત અને તમે તેમ કરવા માંગતા નથી.” જ્યારે તેમને સીધા પૂછવામાં આવ્યું કે શું યુદ્ધ સમાપ્ત થઈ ગયું છે, ત્યારે ટ્રમ્પે સંકેત આપ્યો કે તે તેના અંતની નજીક છે. તેમણે કહ્યું, “મને લાગે છે કે તે સમાપ્ત થવાની આરે છે, હા.” ટ્રમ્પે આગળ કહ્યું કે, ‘મને લાગે છે કે તે સમાપ્ત થવાની ખૂબ નજીક છે.’

હોર્મુઝ સ્ટ્રેટ પર અમેરિકાના નૌકાદળના નાકાબંધીની અસર પહેલા જ દિવસે જોવા મળી હતી. રિપોર્ટ્સ અનુસાર, નાકાબંધીના પહેલા સંપૂર્ણ દિવસે કોઈ જહાજ ઈરાની બંદરમાંથી બહાર નીકળ્યું નથી. વધુમાં અમેરિકાની ચેતવણી મળ્યા બાદ લગભગ છ જહાજો પાછા ફર્યા. એવો દાવો કરવામાં આવે છે કે છેલ્લા 24 કલાકમાં 20થી વધુ જહાજો સ્ટ્રેટમાંથી પસાર થયા છે. દરમિયાન અમેરિકાના રાષ્ટ્રપતિ ટ્રમ્પે એક મુલાકાતમાં જણાવ્યું હતું કે “યુદ્ધ તેના અંતની નજીક છે.”

રસપ્રદ વાત એ છે કે આ સમયગાળા દરમિયાન એક પણ ગોળી ચલાવવામાં આવી નથી અને કોઈ લશ્કરી કાર્યવાહીની જરૂર પડી નથી. આનો અર્થ એ છે કે અમેરિકાએ કોઈપણ મુકાબલા વિના પોતાની વ્યૂહરચનાની અસરકારકતા દર્શાવી છે. આ સમગ્ર ઘટનાનું સૌથી મહત્વનું પાસું એ છે કે ઈરાને હાલમાં સીધી લડાઈને ટાળી છે. જહાજોનું પરત ફરવું સૂચવે છે કે તેહરાન પરિસ્થિતિને વધુ ખરાબ કરવા માંગતું નથી. જો કે, નિષ્ણાતો ચેતવણી આપે છે કે વાસ્તવિક કસોટી હજુ આવવાની બાકી છે.આવનારા દિવસો ખૂબ જ મહત્વપૂર્ણ રહેશે, જે નક્કી કરશે કે ઈરાન આ દબાણ સ્વીકારે છે કે મોટા બદલાની કાર્યવાહી માટે તૈયારી કરે છે. જો ઈરાન સ્ટ્રેટમાં પોતાની પકડ મજબૂત કરવાનો પ્રયાસ કરે છે અથવા યુએસ જહાજોને પડકારવાનો પ્રયાસ કરે છે તો પરિસ્થિતિ ફરીથી વણસી શકે છે.

એલ.ડી એન્જિનિયરિંગ કોલેજની હોસ્ટેલમાં સ્લેબ તૂટ્યો: https://www.instagram.com/reel/DXJJJtnjZ4R/?utm_source=ig_web_copy_link&igsh=MzRlODBiNWFlZA==

https://www.youtube.com/@INTIMENEWSCHANNEL

આ પણ વાંચો: http://બેકલેસ વ્હાઈટ આઉટફિટમાં જાહ્નવી કપૂરનો ગ્લેમરસ અંદાજ, તસવીરો થઈ વાયરલ