સાઉદી અરેબિયામાં સૈન્ય છાવણી પર ઇરાનનો મોટો હુમલો, 10 અમેરિકી સૈનિક ઘાયલ
મધ્ય પૂર્વમાં સંઘર્ષને કારણે પરિસ્થિતિ વધુને વધુ ખતરનાક બની રહી છે. એક તરફ, ઇઝરાયલ અને અમેરિકાએ ઇરાન પર ભીષણ હુમલો કર્યો, જેના જવાબમાં ઇરાને સાઉદી અરેબિયામાં પ્રિન્સ સુલતાન એર બેઝ પર મિસાઇલ હુમલો કર્યો, જેમાં પાંચ યુએસ એરફોર્સના હવાઈ રિફ્યુઅલિંગ વિમાનોને નુકસાન થયું.
મીડિયા અહેવાલો અનુસાર, વિમાનો સંપૂર્ણપણે નાશ પામ્યા નથી અને તેનું સમારકામ ચાલી રહ્યું છે. અહેવાલો સૂચવે છે કે કેટલાક યુએસ સૈનિકો ઘાયલ થયા છે, જોકે જાનહાનિની સંખ્યા મળી નથી આ હુમલો ઇરાન દ્વારા પ્રાદેશિક ઠેકાણાઓ પર શ્રેણીબદ્ધ હુમલાઓનો ભાગ હોવાનું માનવામાં આવે છે.
ઈરાની રાજ્ય મીડિયા અનુસાર, શુક્રવારે પશ્ચિમ ઈરાનના કરમાનશાહ પ્રાંતમાં અમેરિકા અને ઈઝરાયલી હુમલામાં ઓછામાં ઓછા 20 લોકો માર્યા ગયા અને ડઝનેક ઘાયલ થયા. આ હુમલાઓ પ્રાંતના ત્રણ અલગ અલગ સ્થળોએ થયા હતા, જેમાં રહેણાંક વિસ્તારોને નિશાન બનાવવામાં આવ્યા હતા. મૃતકોમાં મહિલાઓ, બાળકો અને એક ગર્ભવતી મહિલાનો સમાવેશ થતો હોવાનું કહેવાય છે.
કારખાનેહ ગામમાં સવારે થયેલા હુમલામાં ઓછામાં ઓછા 7 લોકો માર્યા ગયા.કરમાનશાહ શહેરમાં બે હુમલામાં 13 થી વધુ લોકો ઘાયલ થયા.એક ઈરાની સુરક્ષા અધિકારીએ દાવો કર્યો છે કે, હુમલાઓમાં રહેણાંક વિસ્તારોને નિશાન બનાવવામાં આવ્યા હતા. આ હુમલા ઈરાન વિરુદ્ધ યુએસ-ઇઝરાયલના વ્યાપક અભિયાનનો ભાગ છે.