‘કાલે કોઈ સોસાયટીમાં ભેંસ લાવશે, તો શું કરશો’, રખડતા કૂતરા મુદ્દે સુપ્રીમ કોર્ટની મોટી ટિપ્પણી

 રખડતા કૂતરાઓ સંબંધિત અરજી પર સુનાવણી દરમિયાન  બુધવારે સુપ્રીમ કોર્ટે એક વકીલના નિવેદન પર મહત્વપૂર્ણ ટિપ્પણી કરી. સુપ્રીમ કોર્ટે એડવોકેટ વંદના જૈનની દલીલ પર ટિપ્પણી કરી “જ્યારે આપણે પ્રાણી પ્રેમીઓ વિશે વાત કરીએ છીએ, ત્યારે તેમાં બધા પ્રાણીઓનો સમાવેશ થાય છે. હું મારા ઘરમાં કોઈ પ્રાણી રાખવા માંગુ છું કે નહીં, આ  મારો વિવેક છે.”

સુપ્રીમ કોર્ટે ટિપ્પણી કહ્યું,  જ્યારે આપણે પશુપ્રેમી કહીએ છીએ ત્યારે પ્રાણીઓમાં બધા પ્રાણીઓનો સમાવેશ થાય છે, ફક્ત કૂતરાઓનો નહીં. મારે મારા ઘરમાં કૂતરો રાખવો છે કે નહીં તે મારો વિવેક હોવો જોઈએ. શું કૂતરા મારી ગેટવાળી સોસાયટીમાં ફરતા રહેવા જોઈએ, તે આપણે જ નક્કી કરવું પડશે. જ્યાં 90 ટકા રહેવાસીઓને લાગે છે કે આ વિનાશકારી હશે અને 10 ટકા આગ્રહ રાખે છે કે કૂતરા રહે. કોઈ ભેંસ લાવી શકે છે અને કહી શકે છે કે હું પશુપ્રેમી છું. આનાથી અન્ય સભ્યોને મુશ્કેલીઓ થઈ શકે છે. ગેટવાળી સોસાયટી વગેરે વોટિંગથી નિર્ણય કરે. આપણે લોકતાંત્રિક પ્રણાલીમાં રહી રહ્યા છીએ.

સુપ્રીમ કોર્ટે ટિપ્પણી કરી કે એવી જોગવાઈ હોવી જોઈએ કે ગેટવાળી સોસાયટીમાં મતદાન દ્વારા નિર્ણય લઈ શકે. એડવોકેટ વંદના જૈને કહ્યું, “અમે કૂતરાઓની વિરુદ્ધ નથી. આપણે તેમના દ્વારા ઉભા થતા જોખમ અને જાહેર સલામતીને ધ્યાનમાં લેવી પડશે. 62 મિલિયન કૂતરાઓની વસ્તી છે, અને પરિસ્થિતિ નિયંત્રણ બહાર વધી રહી છે.”18 ડિસેમ્બર, 2025 ના રોજ થયેલી સુનાવણી દરમિયાન સુપ્રીમ કોર્ટે કડક વલણ અપનાવ્યું. દિલ્હી મ્યુનિસિપલ કોર્પોરેશન દ્વારા ઘડવામાં આવેલા કેટલાક નિયમો “અમાનવીય” હોવાના વાંધાના જવાબમાં કોર્ટે કહ્યું કે તે આગામી સુનાવણીમાં એક વિડિયો ચલાવશે, જેમાં પૂછવામાં આવશે કે, “માનવતા ખરેખર શું છે ?”  

પીડિતના વકીલે કહ્યું કે એવું નથી કે અમે કૂતરાઓની વિરુદ્ધ છીએ. આપણે કૂતરાઓના જોખમ અને જાહેર સુરક્ષાને ધ્યાનમાં લેવી પડશે. 6.2 કરોડ કૂતરાઓની વસ્તી સાથે પરિસ્થિતિ નિયંત્રણ બહાર જઈ રહી છે.