ઈરાન સામે ઈઝરાયલ અને અમેરિકા તરફથી યુદ્ધ ફાટી નીકળ્યું છે. ઘણા ખાડી દેશોમાં ખૂબ જ તણાવ છે. મિસાઈલ અને બોમ્બ વિસ્ફોટો હવાઈ ટ્રાફિકને અસર કરી રહ્યા છે, જેના કારણે લોકો ઈરાન, ઈઝરાયલ અને પડોશી દેશોના એરપોર્ટ પર ફસાયેલા છે. આ યુદ્ધે હવે T20 વર્લ્ડ કપ 2026 પર અસર કરી છે, જેના કારણે ઈન્ટરનેશનલ ક્રિકેટ કાઉન્સિલ (ICC) એ એક પ્રેસ રિલીઝ જારી કરી છે.
T20 વર્લ્ડ કપ 2026 દરમિયાન મિડલ ઈસ્ટમાં વધતા તણાવને કારણે ICCએ મુસાફરી વ્યવસ્થા માટે બેકઅપ પ્લાન પર કામ કરવાનું શરૂ કર્યું છે. ઈરાન પર અમેરિકાના હુમલાઓએ ખાડી દેશોમાં ખાસ કરીને દુબઈ જેવા મુખ્ય ટ્રાન્ઝિટ હબમાં ફ્લાઈટ કામગીરીને અસર કરી છે. આનાથી ઘણા ખેલાડીઓ, ટીમ અધિકારીઓ, મેચ રેફરી, બ્રોડકાસ્ટ ટીમો અને ઈવેન્ટ સ્ટાફની ઘર વાપસી જોખમમાં મુકાઈ શકે છે, કારણ કે તેઓ આંતરરાષ્ટ્રીય જોડાણો માટે આ હબનો ઉપયોગ કરે છે.
ICCએ સ્પષ્ટ કર્યું છે કે મિડલ ઈસ્ટની પરિસ્થિતિ ટુર્નામેન્ટ પર સીધી અસર નથી કરી રહી. ભારત અને શ્રીલંકામાં સંયુક્ત રીતે યોજાઈ રહેલી આ ટુર્નામેન્ટ 7 ફેબ્રુઆરીથી શરૂ થઈ છે અને 8 માર્ચે ફાઈનલ રમાશે. ટુર્નામેન્ટમાં કુલ 20 ટીમોએ ભાગ લીધો હતો, જેમાંથી હવે થોડી જ ટીમો ટાઈટલની રેસમાં બાકી રહી છે. હવે બધી નોકઆઉટ મેચ ભારતમાં યોજાશે, કારણ કે શ્રીલંકા અને પાકિસ્તાન ટુર્નામેન્ટમાંથી બહાર થઈ ગયા છે.
ખેલાડીઓ અને સ્ટાફની સલામતીને પ્રાથમિકતા આપતા ICCએ તાત્કાલિક તેની મુસાફરી, લોજિસ્ટિક્સ અને સુરક્ષા ટીમોને સક્રિય કરી છે. આ ટીમો દરેકને સુરક્ષિત રીતે ઘરે પહોંચાડવા માટે 24 કલાક કામ કરી રહી છે. મુખ્ય એરલાઈન્સ સાથે સંકલન કરીને વૈકલ્પિક રૂટ શોધવામાં આવી રહ્યા છે. ICCએ એક પ્રેસ રિલીઝમાં જણાવ્યું હતું કે, “ICC ટ્રાવેલ અને લોજિસ્ટિક્સ ટીમ યુરોપિયન, સાઉથ એશિયન અને દક્ષિણ-પૂર્વ એશિયન હબ દ્વારા જોડાણો સહિત વૈકલ્પિક રૂટિંગ વિકલ્પો ઓળખવા અને સુરક્ષિત કરવા માટે આંતરરાષ્ટ્રીય એરલાઈન્સ સાથે સક્રિય રીતે કામ કરી રહ્યું છે.”
ICCએ વધુમાં જણાવ્યું હતું કે, “ICC સુરક્ષા સલાહકારો સંબંધિત અધિકારીઓ સાથે સંપર્કમાં છે અને પરિસ્થિતિ બદલાતા સલાહ આપશે. એક સમર્પિત ICC ટ્રાવેલ સપોર્ટ ડેસ્ક પણ સક્રિય કરવામાં આવ્યો છે.”
https://www.instagram.com/timenewsguj
https://www.youtube.com/@INTIMENEWSCHANNEL
આ પણ વાંચો:માર્ચ 2026 બેંક રજાઓ: હોળી પર 3 કે 4 માર્ચ ક્યારે રહેશે રજા? જુઓ RBI ની સંપૂર્ણ યાદી