બજેટના દિવસે સોના-ચાંદીના ભાવમાં ભૂકંપ:ચાંદી બે દિવસમાં આટલા લાખ સસ્તી

ગોલ્ડ અને સિલ્વર માર્કેટમાં સતત બીજા દિવસે ઘટાડો જોવા મળ્યો છે. આજે એટલે કે 1 ફેબ્રુઆરીએ બજેટ દરમિયાન વાયદા બજારમાં ચાંદી 26 હજાર રૂપિયા (9%) ગગડી ગઈ.

1 કિલો ચાંદીનો ભાવ 2.65 લાખ રૂપિયા પર આવી ગયો. સોનામાં પણ 12 હજાર રૂપિયા (8%) નો ઘટાડો છે. 10 ગ્રામ સોનું 1.38 લાખ રૂપિયા પર આવી ગયું છે.

ઝવેરી બજાર આજે બંધ, 30 જાન્યુઆરીએ ચાંદી 40 હજાર ઘટી

ઝવેરી બજાર (સર્રાફા બજાર) આજે બંધ છે. આ પહેલા 30 જાન્યુઆરીએ ચાંદી 40,638 રૂપિયા અને સોનું 9,545 રૂપિયા સસ્તું થયું હતું. ઈન્ડિયા બુલિયન એન્ડ જ્વેલર્સ એસોસિએશન (IBJA) મુજબ, એક કિલો ચાંદી 3,39,350 રૂપિયા પ્રતિ કિલો પર આવી ગઈ છે. જ્યારે 10 ગ્રામ 24 કેરેટ સોનાનો ભાવ 1,65,795 રૂપિયા પર આવી ગયો છે.

વાયદા બજાર એટલે કે મલ્ટી કોમોડિટી એક્સચેન્જ (MCX) પર સોનાના ભાવમાં બે દિવસમાં 31 હજાર રૂપિયાનો ઘટાડો થયો છે.
29 જાન્યુઆરીએ તે 1.69 લાખ રૂપિયા પર પહોંચી ગયું હતું, જે આજે 1.38 લાખ રૂપિયા પર ટ્રેડ કરી રહ્યું છે.
ચાંદીની કિંમતમાં 1.36 લાખ રૂપિયાનો ઘટાડો થયો છે. 29 જાન્યુઆરીએ તે 4.01 લાખ રૂપિયા પ્રતિ કિલો પર પહોંચી ગઈ હતી, જે આજે 2.65 લાખ રૂપિયા પર ટ્રેડ કરી રહી છે.