સાંસદોના પગારમાં મોટો વધારો થયો છે. હવે સાંસદોને દર મહિને 1 લાખ 24 હજાર રૂપિયા મળશે, જે પહેલા 1 લાખ રૂપિયા હતા. આ ઉપરાંત દૈનિક ભથ્થું પણ બે હજારથી વધારીને અઢી હજાર રૂપિયા કરવામાં આવ્યું છે. ભૂતપૂર્વ સાંસદોના પેન્શનમાં પણ વધારો કરવામાં આવ્યો છે, જે હવે 25 હજાર રૂપિયાથી વધીને 31 હજાર રૂપિયા પ્રતિ મહિને થશે. આ નવા પગાર અને પેન્શન 1 એપ્રિલ, 2023 થી અમલમાં આવશે. સરકારે આ સંદર્ભમાં એક સૂચના પણ બહાર પાડી છે. અગાઉ, એપ્રિલ 2018 માં સાંસદોના પગાર અને ભથ્થામાં વધારો કરવામાં આવ્યો હતો.
ખર્ચ ફુગાવાના સૂચકાંકના આધારે સાંસદોના પગાર અને ભથ્થામાં વધારો કરવામાં આવ્યો છે. આ નિર્ણય 2018 થી લાગુ કરાયેલા નિયમ હેઠળ લેવામાં આવ્યો છે, જેમાં દર પાંચ વર્ષે સાંસદોના પગાર અને ભથ્થાઓની સમીક્ષા કરવાની જોગવાઈ છે. આ સમીક્ષા ફુગાવાના દર પર આધારિત છે.જાહેરનામામાં કહેવામાં આવ્યું છે કે પાંચ વર્ષથી વધુ સેવાના દરેક વર્ષ માટે વધારાનું પેન્શન અગાઉના રૂ. 2,000 થી વધારીને રૂ. 2,500 કરવામાં આવ્યું છે.
2018ના સુધારા મુજબ, સાંસદોને તેમના કાર્યાલયોના ખર્ચ અને તેમના સંબંધિત જિલ્લાઓમાં મતદારો સાથે વાતચીત કરવા માટે મતવિસ્તાર ભથ્થા તરીકે 70,000 રૂપિયાનું ભથ્થું મળે છે. આ ઉપરાંત, તેમને સંસદીય સત્રો દરમિયાન ઓફિસ ભથ્થા તરીકે દર મહિને 60,000 રૂપિયા અને દૈનિક ભથ્થા તરીકે 2,000 રૂપિયા મળે છે. આ ભથ્થાઓમાં પણ હવે વધારો કરવામાં આવશે.
આ પણ વાંચો, Ahmedabad: માણેકચોકની ઘાંચીની પોળમાં ત્રણ માળનું જર્જરિત મકાન ધરાશાયી, મહિલાનું કરાયું રેસ્ક્યુ