ગુજરાત સાયન્સ સિટીમાં આજે રોબોટિક્સ ગેલેરી, એક્વેટિક ગેલેરી અને નેચર પાર્કની સ્થાપનાની 4થી વર્ષગાંઠનું ભવ્ય આયોજન કરવામાં આવ્યું. આ પ્રસંગે રાજ્યની વિવિધ સ્કૂલોમાંથી મોટી સંખ્યામાં વિદ્યાર્થીઓએ મુલાકાત લીધી અને વિવિધ વિજ્ઞાનાત્મક પ્રવૃત્તિઓમાં ઉત્સાહપૂર્વક ભાગ લીધો હતો.
ઉત્સવ દરમિયાન વિદ્યાર્થીઓ માટે વિજ્ઞાન ક્વિઝ, મૉડેલ ડેમો, ઈન્ટરએક્ટિવ વર્કશોપ્સ અને શૈક્ષણિક રમતોનું આયોજન કરવામાં આવ્યું હતું, જેનાથી વિજ્ઞાનપ્રત્યે રુચિ અને સમજ વિકસાવવા તાલીમ આપવામાં આવી હતી.
ગુજરાત સાયન્સ સિટી છેલ્લા ઘણા વર્ષોથી “વિજ્ઞાન સૌ માટે” સિદ્ધાંત અંતર્ગત નવી પેઢીને પ્રેરણા અને જ્ઞાન આપી રહી છે. આ ઉજવણી દ્વારા પણ વિદ્યાર્થીઓએ ટેકનોલોજી, જળચરજીવોનું વિજ્ઞાન અને કુદરતી પર્યાવરણ વિષે પ્રત્યક્ષ અનુભવો મેળવ્યા હતા.
વિજ્ઞાન, જ્ઞાન અને મનોરંજનથી ભરેલો આ અવસર વિદ્યાર્થીઓ માટે યાદગાર બની રહ્યો હતો.