ઘણા દિવસો પછી આજે ભારતીય શેરબજારમાં તેજી જોવા મળી. બજેટ 2025 પછી શેરબજાર ગઇકાલે ખુલ્યું ત્યારે તેમાં ઘટાડો નોંધાયો હતો. પરંતુ આજે સવારથી જ બજારમાં બમ્પર તેજી જોવા મળી હતી અને બજાર બંધ થવાના સમયે બંને મુખ્ય સૂચકાંકો લીલા નિશાન પર બંધ થયા હતા.
આજે બીએસઈ સેન્સેક્સ અને એનએસઈ નિફ્ટી બમ્પર વધારા સાથે બંધ થયા. કારોબારના અંતે સેન્સેક્સ ૧૩૯૭ પોઈન્ટ ઉછળ્યો હતો જ્યારે નિફ્ટી ૨૩૭૦૦ ને પાર કરી ગયો હતો. બજાર બંધ થવાના સમયે, આજે સેન્સેક્સ ૧૩૯૭.૦૭ પોઈન્ટ (૧.૮૧ ટકા) ઉછળીને ૭૮,૫૮૩.૮૧ પર બંધ થયો હતો. નિફ્ટી ૫૦,૩૭૮ પોઈન્ટના વધારા સાથે ૨૩,૭૩૯.૨૫ પર બંધ થયો.